Reseidegi All World Cards hakerler toby AQSh jáne ózgede el azamattarynyń milliondaǵan kredittik kartalarynyń málimetterin internette jariialap jiberdi. Beisenbi kúni Amerikanyń CNBC telearnasy osyndai aqparat taratty, dep habarlaidy "Ult aqparat" TASS agenttigine silteme jasap.
Telearna kiberqaýipsizdik salasynda jumys isteitin Q6 kompaniiasynyń analitikterine silteme jasap otyr. Alaida, bul aqparatty rastaityn qandai da bir basqa dálelder keltirilmegen.
Áleýmettik jelilerdegi paraqshalarynda atalǵan jariialanymǵa qatysty túsiniktemesin bergen telearna tilshisi Emon Djavers «bankterdiń kóp uzamai onyń saldaryn sezinetinin» eskertti. Sondai-aq ol All World Cards jaqynda ǵana qurylǵanyn aitty.
CNBC materialy amerikalyqtardyń shottarynan aqshanyń zańsyz sheshilýi jaǵdaiynda ne isteý kerek degen taqyrypqa arnalǵan.
