16 jastaǵy Qaraǵandy týmasy Stella Smit The CW arnasynan kórsetiletin DC komiksteriniń keiipkerine negizdelgen «Qara naizaǵai» (Black Lightning) serialyna tústi, dep habarlaidy BaigeNews.kz.
Ol qazan aiynda bastalǵan telehikaiaynyń úshinshi maýsymynda jasóspirim Greistiń rólin oinaidy. Greis bolashaqta óte qýatty kúshke ie áiel bolady. Filmdegi Greistiń eseigen kezin Shantal Tiýi somdaidy.
Telehikaia erjúrek «Qara naizaǵaidyń» ómiri jáne otbasy týraly baiandaidy.
Aita keterligi, bul boijetkenniń kinodaǵy alǵashqy róli emes: bala kezinen ol jarnamalarǵa, filmderge túse bastaǵan, onyń alǵashqy róli «Qyz bala men onyń zombii» (A girl and her zombie).
Stella Smittiń ómirbaianynda ol Black Lightning filmindegi róli arqyly tanymal aziialyq-amerikalyq aktrisa bolǵandyǵy kórsetilgen, sondai-aq 2020 jyly ol keiipkerin somdaǵan Stargirl filmi shyǵady.
Sonymen qatar jas aktrisanyń qorjynynda Dekiru qysqa metrajdy jáne The Three Stones (2017), Pajama Warfare (2017), A Girl and Her Zombie (2016), Crimes and Mister Meanors (2015), Test Group (2015), Doritos: The Fundraiser II (2014),The Games That Children Play (2014), Headed South for Christmas (2013), Secured Tightly (2013) sekildi filmderdegi rólderi bar.
Qaraǵandylyq qyzdyń ógei ata-anasy Liberty men Laýra Smit 2004 jyly ony asyrap alǵanan keiingi kúnderin eń baqytty sátteri dep esepteidi.
Qazaqstanda qyzdyń aty basqasha bolǵan, Laýra men Liberti qyzdary akterlik joldy tańdaitynyn sezgendei ony «Tramvaidyń tilegi» atty týyndydaǵy keiipker Stella Kovalskidiń qurmetine solai ataǵan.
Stella bala kezinen model bolyp jumys istei bastady. Qyzdyń ata-anasy oǵan barynsha kómektesti. Kishkentai kezinen ártistik qabiletin baiqaǵan olar qyzdarynyń aktrisa bolsam deitin armanyn júzege asyrýǵa múmkindik beretin akterlik sheberlik kýrstaryna oqytady.
Al qyzdarynyń alǵashqy jumystarynyń biri - Stevie B’s pitstseriiasynyń jarnamasynyń túsirilimi, sol kezde ol segiz jasta bolǵan.
Aita keteiik, onyń sýreti bar jarnamalyq posterdi 1996 jyldan beri óz biznesterin júrgizip kele jatqan Stividiń aǵalary áli kúnge deiin qoldanyp keledi.
Amerikandyq óziniń qazaqstandyq jerlesteri Paradigm Talent Agency men Cohen Entertainment agenttikterimen kelisimshartqa qol qoidy.
Qyrkúiek aiynda Stella BAQ pen kóńil kóterý indýstriiasy qyzmetkerleriniń iri odaǵy SAG-AFTRA-nyń múshesi boldy. SAG-AFTRA uiymyna 160 myń AQSh-tyń media jáne kino kásibileri múshe.
