Amerikalyq azamat Qazaqstannan asyrap alǵan balasynyń týǵan áke-sheshesin izdep jatyr, dep habarlaidy QazAqparat.
Aita ketsek taiaýda Kristen Demshok atty amerikalyq azamat Facebook-tegi «Kazakh American Association» tobynda ózi asyrap alǵan balasynyń anasyn izdep júrgenin habarlaǵan edi. Ol kezinde Qazaqstannan eki qyz balany asyrap alǵan.
«Kishi qyzymyzdyń anasymen bailanystamyz. Al nómiri ózgerip ketkendikten úlken qyzymyzdyń ata-anasymen qarym-qatynasty úzip aldyq. Men mekenjaiymdy kórsete alamyn. Sondai-aq, sóileserlik aýdarmashyny da taýyp beremin. Áitse de biz olardyń nómirin tappai otyrmyz. Bilýimizshe Kóktas degen alys aýdanda turatyn kórinedi. Olardy nómirin taýyp bere alatyn adam bar ma? Qyzymnyń jasy 17-de. Ol áke-sheshesimen sóileskisi keledi», - dep jazdy Kristen Demshok.
Kristen osydan eki jyl buryn qyz balanyń áke-sheshesi bir ret sóileskenin aitady. Kelesi jyly Amerikaǵa kelip, kórisýdi de josparlaǵan.
Arada birneshe kún ótkennen keiin tanymal prodiýsser Nurtas Adambai qyz balanyń týystary tabylǵanyn jazdy.
«Kristen Demshoktyń ózi asyrap alǵan balasynyń týǵan sheshesi Sholpan Qanyshkenqyzyn izdep júrgeni týraly jaqynda jazba jariialanǵan eji. Biz ony taptyq. Sholpannyń nómiri messenger-ge joldandy. Jaýap bermegenine qaraǵanda ol jekege túsken habarlamany oqymaityn bolýy kerek. Sholpan Qanyshkenqyzy qyzynyń qońyraýyn kútip otyr», - dep jazady Nurtas Adambai.
