Foto: ashyq derekkóz
Food & Drug Administration (FDA) — AQSh-tyń Azyq-túlik jáne dári-dármek sapasyn baqylaý basqarmasy Swedish Match kompaniiasynyń (Filip Morris Interneshnl quramyna kiredi) sniýs ónimin temeki shegýshiler úshin shylymǵa qaraǵanda ziiany az balama dep tanydy. Bul ónim ókpe men aýyz qýysy obyrynyń, júrek-qantamyr aýrýlarynyń, emfizema men sozylmaly bronhittiń damý qaýpin tómendetedi.
Agenttik sniýsty kommertsiialyq maqsatta paidalanýǵa ruqsatty 2032 jylǵa deiin uzartty jáne kelesi tujyrymdamany bekitti: «Sniýsty temeki ornyna qoldaný aýyz qýysy obyry, júrek aýrýlary, ókpe obyry, insýlt, emfizema jáne sozylmaly bronhit qaýpin azaitady».
Bul FDA-nyń qaýip-qateri tómendetilgen ónimdi satýǵa ruqsat berý týraly buiryǵyn alǵash ret uzartýy bolyp tabylady.
Kompaniianyń avtorizatsiiany jańartý ótinimi 330 klinikalyq jáne epidemiologiialyq zertteýmen birge usynyldy. Bul zertteýler temekiden tolyq bas tartyp, osy balamaǵa ótkender úshin qaýiptiń azaiǵanyn kórsetedi.
«Swedish Match kompaniiasy temeki shegýdi túbegeili joiýǵa umtylady. FDA sheshimi — temeki shegýshiler men dástúrli temeki tutynýshylaryn tútinsiz ónimge kóshýge yntalandyratyn mańyzdy qadam. Bul temeki tutynýshylar úshin qaýipsiz balama usynyp, halyqtyń densaýlyǵyn qorǵaýǵa kómektesedi», — dedi Swedish Match kompaniiasynyń Soltústik Amerikadaǵy prezidenti Tom Heis.
Shvetsiiada sniýs 30 jyldan astam ýaqyt keń taralǵan. 13 qarashada eldegi temeki shegýshiler sany 4,6%-ǵa deiin tómendegeni habarlandy. Bul rekordtyq kórsetkish Shvetsiianyń Dúniejúzilik densaýlyq saqtaý uiymy (DDSU) belgilegen 5%-dyq shekti mánnen tómendep, «tútinsiz el» mártebesine jetkenin bildiredi.
