Amerikaǵa boi tasalaǵan Qazaqstannyń úsh azamaty ustalyp, elge jetkizildi. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Qazaqstan IIM Interpol Ulttyq ortalyq biýrosy AQSh-tyń quziretti organdarynyń kómegimen Amerika aýmaǵynda jasyrynyp júrgen úsh qazaqstandyq anyqtap, ustady. Olarǵa Nur-Sultan men Almaty qalalarynda iri kólemde alaiaqtyq jasaǵandary úshin elimizdiń politsiiasy suranysymen halyqaralyq izdeý jariialanǵan bolatyn», - dedi Nurdildá Oraz Ishki ister ministrliginde ótken baspasóz máslihaty barysynda.
Onyń atap ótýinshe, óten aptada izdeýge bolǵan adamdar Qazaqstanǵa jetkizilip, ýaqytsha oqshaýlaǵyshqa qamaldy.
«Aita keterligi, sońǵy ýaqytta shet memleketterdiń aýmaǵynda ustalatyndaryń geografiiasy aitarlyqtai keńeie tústi. Máselen, sońǵy 5 jylda izdeýge adamdar TMD elderinde, sonymen qatar GFR, Grýziia, Túrkiia, AQSh, Izrail, Arab Ámirlikteri, Finliandiia, Ulybritaniia, Kanada, Senegal, Ispaniia, Tailand, Rýmyniia, Portýgaliia, Bolgariia, Avstriia, Qytai, Shvetsiia, Makedoniia, Polsha, Daniia, Grekiia, Horvatiia syndy elderde anyqtalyp, ustaldy», - dedi resmi ókil.
