امەريكاعا بوي تاسالاعان قازاقستاننىڭ ٷش ازاماتى ۇستالىپ, ەلگە جەتكٸزٸلدٸ. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى "ۇلت اقپارات".
«قازاقستان ٸٸم ينتەرپول ۇلتتىق ورتالىق بيۋروسى اقش-تىڭ قۇزٸرەتتٸ ورگاندارىنىڭ كٶمەگٸمەن امەريكا اۋماعىندا جاسىرىنىپ جٷرگەن ٷش قازاقستاندىق انىقتاپ, ۇستادى. ولارعا نۇر-سۇلتان مەن الماتى قالالارىندا ٸرٸ كٶلەمدە الاياقتىق جاساعاندارى ٷشٸن ەلٸمٸزدٸڭ پوليتسيياسى سۇرانىسىمەن حالىقارالىق ٸزدەۋ جارييالانعان بولاتىن», - دەدٸ نۇردٸلدە وراز ٸشكٸ ٸستەر مينيسترلٸگٸندە ٶتكەن باسپاسٶز مەسليحاتى بارىسىندا.
ونىڭ اتاپ ٶتۋٸنشە, ٶتەن اپتادا ٸزدەۋگە بولعان ادامدار قازاقستانعا جەتكٸزٸلٸپ, ۋاقىتشا وقشاۋلاعىشقا قامالدى.
«ايتا كەتەرلٸگٸ, سوڭعى ۋاقىتتا شەت مەملەكەتتەردٸڭ اۋماعىندا ۇستالاتىندارىڭ گەوگرافيياسى ايتارلىقتاي كەڭەيە تٷستٸ. مەسەلەن, سوڭعى 5 جىلدا ٸزدەۋگە ادامدار تمد ەلدەرٸندە, سونىمەن قاتار گفر, گرۋزييا, تٷركييا, اقش, يزرايل, اراب ەمٸرلٸكتەرٸ, فينلياندييا, ۇلىبريتانييا, كانادا, سەنەگال, يسپانييا, تايلاند, رۋمىنييا, پورتۋگالييا, بولگارييا, اۆسترييا, قىتاي, شۆەتسييا, ماكەدونييا, پولشا, دانييا, گرەكييا, حورۆاتييا سىندى ەلدەردە انىقتالىپ, ۇستالدى», - دەدٸ رەسمي ٶكٸل.
