3 sáýirde Qazaqstannyń Tuńǵysh Prezidenti Nursultan Nazarbaev pen Almaty oblysynyń ákimi Amandyq Batalov telefon arqyly sóilesti.
Áńgimelesý barysynda Elbasy óńirde bolyp jatqan oń ózgeristerden habardar ekenin aitty. Eń aldymen Nursultan Nazarbaev koronavirýs infektsiiasynyń taralýyna jol bermeý baǵytyndaǵy júrgizilip jatqan jumystardy surap bildi. Oblys basshysy der kezinde qabyldanǵan sharalar virýstyń taralýyn toqtatýǵa múmkindik bergenin atap ótti. Munda jumystar «Nur Otan» partiiasymen birlesip atqarylýda. Volonterlar «Biz birgemiz» aktsiiasynyń aiasynda aýrýdyń aldyn alýǵa eleýli úles qosyp keledi.
Elbasy kóktemgi dala jumystarynyń daiyndyǵyna erekshe toqtaldy. Bul rette Jetisý óńiriniń aýyl sharýashylyǵy salasynda kóshbasshy aimaq ekenin de eske saldy.
«Biylǵy jyly 1 million gektarǵa jýyq egis alqaby igeriledi. Iaǵni ótken jylmen salystyrǵanda alqap kólemi 5 myń gektarǵa ulǵaityldy. Sizdiń tapsyrmańyzǵa sáikes biz qant qyzylshasynyń burynǵy dańqyn qaita kóterdik. Osy daqyldyń egistik alqaby biylǵy jyly 16 myń gektarǵa jetkiziledi, bul oblystyń eki qant zaýytynyń shikizatqa degen suranysyn tolyq qanaǵattandyrýǵa múmkindik beredi», - dedi oblys ákimi.
Áńgimelesý barysynda eldegi tótenshe jaǵdai kezinde halyqty jumyspen qamtý sharalaryna erekshe kóńil bólindi. Bul oraida Amandyq Batalov Almaty qalasynda karantin engizilýine bailanysty qazirgi kezde oblys aýmaǵynda qalǵan shaǵyn jáne orta biznes salasynan jumystan shyǵyp qalǵan azamattardyń máselesin sheshý isine jiti toqtaldy.
«Prezident Qasym-Jomart Toqaev halyqty qoldaýǵa baǵyttalǵan igi sheshimder qabyldady. Almaty oblysynyń basqarý organdarynyń júieli jumysynyń arqasynda jáne memlekettik saraptama qorytyndylary bar jobalyq-smetalyq qujattardyń der kezinde daiyn bolýynyń nátijesinde biz respýblikalyq biýdjetten 109,2 milliard teńge aldyq. Bul 22,8 myń jumys ornynyń qurylýymen 977 jobany júzege asyrýǵa múmkindik beredi. Osy somanyń 58,9 mlrd. teńgesi nemese 54%-i áleýmettik-mádeni salanyń 429 jobasyn júzege asyrýǵa baǵyttalady.
Munyń bári sizdiń Ulttyq ál-aýqat qoryn qurý týraly der kezinde qabyldaǵan saliqaly sheshimińizdiń arqasynda múmkin bolyp otyr», - dedi Amandyq Batalov.
Bul rette Elbasy Qor qurý týraly sheshim qabyldanǵan jyldarda bul bastamaǵa qarsy bolǵandar da bolǵanyn eske túsirdi. «Men aldaǵy kúnderde bizge aýqymdy qarajat qajet bolatyn qiyndyqtar týyp qalýy múmkin ekendigin bildim. Osymen birneshe ret biz Ulttyq ál-aýqat qoryn qoldaný arqyly aýyr synaqtardan shyǵýdyń jolyn taptyq», - dep atap ótti Nursultan Nazarbaev.
Amandyq Batalov ta toqsanynshy jyldardaǵy jaǵdailardy eske aldy. Ol kezde A. Batalov Almaty qalasy Jetisý aýdanynyń ákimi bolatyn. Osy aýdannyń turǵyndarymen kezdesýge Memleket basshysy Nursultan Nazarbaevtyń ózi kelgen edi.
«Halyqpen kezdesýde aitqan sózderińiz áli kúnge esimde. Sonda siz sál shydai turý kerektigin, ekonomikany aiaǵynan turǵyzýǵa barlyq jaǵdaidy jasap jatqanymyzdy aittyńyz. Sol aitylǵandardyń barlyǵy da oryndaldy. Sizdiń basshylyǵyńyzben elimiz ekonomikada eleýli tabystarǵa qol jetkizdi, álemdik qaýymdastyqta bedelge ie boldy. Búgingi oryn alǵan jaǵdailardy eskersek, bul qiyndyqty da laiyqty eńseretinimizge senemin», - dedi Amandyq Batalov.
Oblys ákimimen áńgimelesýi barysynda Qazaqstannyń Tuńǵysh Prezidenti Nursultan Nazarbev Taldyqorǵannan Úsharalǵa baratyn joldyń qurylysy jaily surady. Amandyq Batalovtyń aitýynsha, merdigerler biylǵy jyly jańa avtomagistral jolyn ashýdy josparlap otyr, al qalǵan jumystar kelesi jyly aiaqtalady. Sol siiaqty Úsharal – Dostyq jolynyń jóndeý jumystary júrip jatqanyn, bul jumystardyń biylǵy jyly aiaqtalatynyn da aitty. Aqshi aýylyna aparatyn 70 shaqyrymdyq joldy qamtityn birinshi kezeń aiaqtalýda, al ekinshi bóligi biyl bastalady. Bul Jetisýdyń jaquty sanalatyn Alakól kóline qazaqstandyqtardyń jáne sheteldik týristerdiń qiyndyqsyz jetýine jaǵdai týǵyzady.
Sonymen birge oblys ákimi Elbasyǵa óńirdegi alma baqtaryn damytý jaily da baiandady. Qazirgi kezde óńirde 24 myńnan astam alma baǵy bar, olardyń basym bóliginde tamshylatyp sýarý ádisi qoldanylady. Elbasy aportqa qatysty saýal qoidy. Amandyq Batalovtyń aitýynsha, óńirde almanyń bul sorty 2 myń gektarǵa egilgen.
«Bizdiń almalarda Ile Alataýynyń iisi bar, ol ásirese Arab elderinde erekshe suranysqa ie. Bizge Premer-Ministr Asqar Mamin kelgende ónimderimizdi jáne olarda qoldanylatyn tehnologiiany kórip, tańdandy», - dedi oblys ákimi.
Oblys ortalyǵy Taldyqorǵan qalasynyń qazirgi damý jaǵdaiy da áńgimege arqaý boldy. Elbasy qalaǵa kelip, halyqpen kezdeskisi keletinin aitty.
«Eki myńynshy jyldardyń basynda qala halqynyń sany 97 myńdai bolǵanyn jáne olardyń kópshiligi basqa jaqqa kóshkisi kelgenin sizge baiandaǵan edim. Qazirgi kezde mundaǵy halyqtyń sany eki esege ósip, 180 myńnan asty. Sizdiń qoldaýyńyzdyń arqasynda biz kóptegen áleýmettik mańyzdy jobalardy iske asyrdyq. Biylǵy jyly 280 oryndyq stýdentter jataqhanasynyń qurylysyn aiaqtaimyz, Olimpiadalyq bassein salý jumystary qarqyndy júrip jatyr. Sizdiń «Nurly jol» baǵdarlamańyzben kóp balaly otbasylarǵa kottedj úilerdi paidalanýǵa bergenimizde azamattardyń kópshiligi sizdiń atyńyzǵa, el Prezidenti Qasym-Jomart Toqaevtyń atyna alǵystaryn bildirdi», - dedi oblys ákimi.
Telefon arqyly áńgimelesý sońynda Elbasy Nursultan Nazarbaev jemisti eńbekteri úshin óńir halqyna rizashylyǵyn bildirdi. Ol bizdiń barlyq kúshimiz Memleket basshysy Qasym-Jomart Toqaevtyń tapsyrmalaryn oryndaýdyń mańaiyna shoǵyrlandyrylýy tiistigin atap ótti. «Tek bizdiń yntymaǵymyz ben birligimiz ǵana qazirgi qiyndyqtardy eńserýge kómektedi», - dedi sóziniń qorytyndysynda Nursultan Nazarbaev.
