«AMANAT» partiiasynyń Atqarýshy hatshysy Ashat Oralov Túrkistan oblysynyń turǵyndarymen, aýyldyq okrýg ákimderimen, partiia aktivimen, mádeniet qairatkerlerimen jáne jastarmen birqatar kezdesýler ótkizip, Memleket Basshysynyń Joldaýyn iske asyrý jáne «Jańa Qazaqstandy» qurý mindetterine sáikes partiiany jańǵyrtý máselelerin talqylady, dep habarlaidy "Ult aqparat".
Saýran aýdanynyń ortalyǵy Shornaq aýylynda «AMANAT» partiiasynyń Atqarýshy hatshysy Túrkistan oblysyndaǵy birqatar aýyldyq okrýgterdiń, onyń ishinde Maidantal, Úshqaiyq, Jibek joly, Jańa Iqan jáne t.b. aýyldardyń jańadan sailanǵan ákimderimen kezdesý ótkizdi.
«Memleket basshysy Qasym-Jomart Toqaevtyń bastamasymen byltyr tuńǵysh ret aýyl ákimderin tikelei sailaý júiesi engizilgen bolatyn. Búginde sailaý naýqany elimiz boiynsha úzdiksiz úderiske ainaldy. Osyǵan deiin Túrkistan oblysynda 72 aýyldyq okrýgte sailaý ótse, sonyń ishinde sailanǵan ákimderdiń 86%-y – «AMANAT» partiiasynyń kandidattary. Bul – partiiaǵa artylyp otyrǵan úlken senim. Tiisinshe, bizge sailaýaldy ýádelerdi sapaly oryndaý boiynsha úlken jaýapkershilik júktelip otyr», - dep atap ótti Ashat Oralov.
Óz kezeginde, Shornaq aýylynyń turǵyndary osyndaǵy B.Mailin jáne Q.Dosmetov kóshelerindegi joldyń sapasyna shaǵymdandy. Jergilikti ákimdiktiń málimetinshe, atalǵan kóshelerdi jóndeý úshin biýdjetten qarajat bólýge ótinim joldanǵan. Turǵyndardyń shaǵymyn eskere otyryp, Atqarýshy hatshy máslihattaǵy fraktsiiaǵa aldaǵy sessiiada qarajat bólý máselesin qarap, jóndeý jumystaryn biyl aiaqtaýdy tapsyrdy.
Budan keiin Ashat Orlov óńirdiń mádeniet qairatkerlerimen kezdesip, rýhani qundylyqtardy, ulttyq mádeniet pen ónerdi saqtaý máselelerin talqylady. Kezdesý partiianyń sailaýaldy baǵdarlamasy aiasynda salynǵan Túrkistandaǵy «Farab» kitaphanasynda ótti.
Atqarýshy hatshy partiianyń shyǵarmashylyq jáne óner ókilderine, jas aqyndar men jazýshylarǵa, sondai-aq kinoindýstriia ókilderine, aitystar, konkýrstar, festivalder ótkizý jáne basqa da jobalardy iske asyrý arqyly qoldaý kórsetetinin atap ótti.
«Partiia qaita jańǵyryp, jańa ideialary bar kóptegen jastardyń kelip jatqany quptarlyq jaǵdai. Óz tarapymnan, aýyl jastaryn qoldaýǵa erekshe nazar aýdarý qajet dep esepteimin. Aýyl klýbtaryn jańǵyrtyp, ondaǵy kitaphanalardy jańa kitap qorymen baiytyp, túrli úiirmeler ashý kerek. Sonda aýyl jastary bos ýaqytyn tekke ótkizbei, aýyldaǵy talanttardyń kóptep tanylýyna jol ashar edi», - dep óz pikirimen bólisti Qoja Ahmet Iasaýi atyndaǵy Halyqaralyq qazaq-túrik ýniversitetiniń professory Bekjigit Serdáli.
Osy kúni Ashat Oralov Túrkistan oblysynyń partiia aktivimen de kezdesip, «AMANAT» modernizatsiiasynyń basymdyqtaryn talqylady.
Búgingi tańda óńirde barlyq deńgeidegi máslihattarda 320 depýtat bolsa, olardyń 82%-y – «AMANAT» partiiasynyń músheleri. Jyl basynan beri Túrkistan oblysy boiynsha partiianyń qoǵamdyq qabyldaý bólmelerine 4,3 myńnan astam ótinish kelip túsken. Turǵyndar kóbinese áleýmettik kómek, turǵyn úi-kommýnaldyq sharýashylyq, jumysqa ornalasý jáne densaýlyq saqtaý máseleleri boiynsha keledi. Naýryz aiynan bastap mobildi qoǵamdyq qabyldaýlar eń shalǵai aýyldarǵa barýda.
Oblystyq máslihat depýtaty Nuraly Ábishev oblysta óńirlik sailaýaldy baǵdarlamaǵa enbegen túiindi máseleler bar ekenin alǵa tartyp, olardy sheshý úshin partiia músheleri jergilikti atqarýshy organdarmen, azamattyq sektormen, halyqpen birlesip, odan ári jospar ázirleýi tiis ekenin aitty.
Jas belsendilermen kezdesý barysynda jergilikti jerlerde jastardy tolǵandyratyn negizgi máseleler talqylandy. Túrkistan oblysynda búgingi tańda «AMANAT» partiiasynan Jas depýtattar korpýsyna 35 jasqa deiingi 55 qazaqstandyq kirgen.
