Búgin «AMANAT» Tóraǵasy Erlan Qoshanov partiia aktivimen jiyn ótkizdi. Jiyndy ashqan ol búginde búkil elimiz boiynsha amanattyqtar azamattardyń múddelerin qorǵaýǵa qatysty jumysqa basa nazar aýdarýy kerek ekenin atap ótti, - dep habarlaidy "Ult aqparat" partiianyń baspasóz qyzmetine silteme jasap.
- Úkimettiń sońǵy keńeitilgen otyrysynda Memleket basshysy qoǵamdy tolǵandyryp otyrǵan birqatar naqty áleýmettik-ekonomikalyq problemany atap ótti. Olardyń ishinde: baǵanyń ósýi, jekelegen taýarlar túrlerin jetkizýdegi irkilister, azyq-túlik qaýipsizdigi máseleleri, halyqtyń naqty tabysynyń tómendeýi siiaqty máseleler bar. Partiia bul jumysqa belsendi aralasýy kerek. Jergilikti jerlerdegi ahýaldyń tiimdi monitoringin qamtamasyz etý mańyzdy. Áleýmettik mańyzy bar taýarlardyń baǵasy erekshe nazarda bolýy tiis. Júieli problemalardy jedel anyqtap, olar boiynsha óz sheshimderin usyný qajet, - dedi E.Qoshanov.
Partiia Tóraǵasy bul úshin amanattyqtardyń barlyq qajetti resýrstary bar ekenin atap ótti: keń filialdyq jeli, azamattar kómek pen qoldaý úshin keletin qoǵamdyq qabyldaý bólmeleri, sarapshylar men belsendi azamattyq ustanymy bar adamdardy biriktiretin qoǵamdyq keńester.
- Osy qolda bar resýrstardyń barlyǵyn qazir alypsatarlyqtyń kez kelgen túrlerimen kúresýge baǵyttaý kerek. Partiia músheleri asa mańyzdy ónimder baǵasyn negizsiz kóterýge jol bermei jáne adal kásipkerlerdiń múddesin qorǵai otyryp, taýardy jetkizýshilerden dúken sórelerine deiingi barlyq jetkizý tizbegin qadaǵalap otyrýy tiis, - dep atap ótti E.Qoshanov.
Keńes barysynda partiia Tóraǵasyna «AMANAT» qazir júzege asyryp jatqan áleýmettik mańyzdy jobalarǵa qatysty jumystar týraly baiandaldy.
«Jer amanaty» jobasy aiasynda azamattar úshin aýyl sharýashylyǵy jerleriniń qoljetimdiligin arttyrý boiynsha jumystar júrgizilýde. Onyń basty maqsaty — paidalanylmai jatqan, onyń ishinde zańsyz jeke menshikke ótken jerlerdi memleket menshigine qaitarý jáne olardy aýyl turǵyndaryna usyný. Partiia músheleriniń arqasynda 267 myń gektar jer memleket menshigine qaitaryldy. Jumys elimizdiń barlyq óńirinde jalǵasýda.
«Aýyl amanaty» jobasy aiasynda Úkimetpen birlesip aýyl turǵyndarynyń tabysyn arttyrý jáne aýyldyq okrýg ákimderin óndiristik daǵdylarǵa úiretý boiynsha jumystar júrgizilýde. Atap aitqanda, jaqyn arada arnaiy marafon barysynda amanattyqtar 179 aýdandaǵy 394 eldi mekenge barýdy josparlap otyr. Bul 250 myńnan astam qazaqstandyqty «Aýyl amanaty» jobasy týraly habardar etýge múmkindik beredi. Qazirgi ýaqytta joba boiynsha 2,3 myńnan astam aýyldyq okrýg ákimderi oqytyldy.
Iri bastaýysh partiia uiymdarynyń bazasynda búkil elimiz boiynsha 1 tamyzdaǵy jaǵdai boiynsha 286 qoǵamdyq qabyldaý bólmesi ashyldy, oǵan 1200-den astam ótinish kelip tústi. Turǵyndar kótergen máselelerdi sheshý úshin júieli jumys jasaldy. Atap aitqanda, qazaqstandyqtardyń ótinishterin qaraý nátijeleri boiynsha Batys Qazaqstan oblysynyń Uialy aýylynda elektr jelileri úshin jańa baǵanalar ornatyldy, Batys Qazaqstan oblysynyń Juldyz aýylyndaǵy mektepti salǵan qurylysshylarǵa jalaqy boiynsha qaryzdar tólendi. Taraz qalasyndaǵy qurylysshylardyń da osyǵan uqsas máselesi sheshildi. Tek partiia músheleriniń aralasýynan keiin ǵana Aqmola oblysynyń Krasnyi iar aýylyndaǵy joldardy jóndeýge qarajat bólindi.
Partiia áleýmettik mańyzy bar azyq-túlik ónimderine baǵa monitoringi boiynsha 216 top qurdy. Bir aptaǵa jetpeitin ýaqyt ishinde búkil elimiz boiynsha 1045 saýda nysandarynda 700-den astam reid júrgizildi. Anyqtalǵan faktilerdiń ishinde eń rezonanstysy: belgili bir taýarlardyń jetispeýshiligi, baǵasynyń kórsetilmeýi, belgilengen shekti baǵadan asyp ketý. Árbir anyqtalǵan problema boiynsha jaǵdaidy túzetý úshin jedel sharalar qabyldanady.
Keńes qorytyndysy boiynsha «AMANAT» Tóraǵasy Erlan Qoshanov partiianyń Ortalyq apparaty men óńirlik filialdarynyń aldyna jumysty kúsheitý boiynsha birqatar naqty mindet qoidy.
