Mundai qaýly «AMANAT» partiiasynyń kezekti XXVI Sezinde daýys berý nátijesinde qabyldandy, dep habarlaidy ult.kz.
— Elmen birge ósken partiia úshin taǵy bir kezeń aiaqtalyp jatyr. Alǵa jyljý úshin batyl sheshimder kerek. Eskiden arylmai, jańany qurý múmkin emes. Biz jaqsy jumys istep, barlyq maqsat-mindetti oryndaǵanymyzdy taǵy bir atap óteiin. Ashyǵyn aitqanda, halyqpen adal jáne tike dialog qursaq ta, bizdi aldyńǵy partiiamen bailanystyratyn kei pikirler áli de bar. Mundai nárse úlken tarihy bar kez-kelgen saiasi kúshte bolady. Sondyqtan Memleket basshysy birliktiń mańyzy jóninde aityp júrgen qazirgidei shaqta batyl sheshim qabyldap, tarihymyzdyń jańa paraǵyn ashýymyz kerek. Bizdiń partiia árdaiym «ózgeris ózimizden bastalady» degen qaǵidany ustanady. Qazir ýaqyt talabyna, memleket múddesine, qoǵamnyń suranysyna sai qadam jasaýymyz qajet. Búginde memleketke bóliný emes, birigý núkteleri kerek. Osyndai jaýapty sátte resýrstarymyzdy jańa saiasi partiia «Ádiletpen» biriktirýimiz tiis. Biz ustanymdarymyz ben ideialarymyzdan bas tartpaimyz, kerisinshe olardy kúsheite túsemiz. Múmkindikterimizdi keńeitemiz jáne damýdyń jańa kezeńine ótemiz. Álemdik tájiribede memleket múddesi úshin partiialardyń birigýi tájiribesi, mysaly kóp, — dedi Sezde Parlament Májilisiniń Tóraǵasy, «AMANAT» partiiasynyń Tóraǵasy Erlan Qoshanov.
Sonymen qatar, ol bul sheshim sanaly saiasi qadam ekenin atap ótti.
— «Amanat» — babalardyń ósieti jáne keleshek urpaqtar aldyndaǵy jaýapkershilik. Al «Ádilet» — ádildik, iaǵni kúshti ári zamanaýi memlekettiń negizi, — dedi Erlan Qoshanov.
