QR IIDM biletsiz jolaýshylardy alyp júrý jáne bilet satý tártibin buzý isiniń jaýapkershiligin qatańdatý úshin zańnamaǵa túzetýler engizýdi usynbaq, dep habarlaidy atalǵan vedomstvonyń baspasóz qyzmeti.
Qazirgi ýaqytta, biletterdi zańsyz qaita satý «Ákimshilik quqyq buzýshylyq týraly» kodekstiń 449-babyndaǵy «qoǵamdyq oryndarda ustaý» boiynsha ǵana ákimshilik jaýapkershilikti kózdeidi. Basqa jaýapkershilik ázirshe joq.
QR IIDM turaqty negizde qazaqstandyq tasymaldaýshylarǵa jolaýshylar vagondary parkin jańartý úshin jaǵdai jasaýda. Budan basqa, tasymaldaýshylar jyl saiyn jazǵy kezeńde negizgi baǵyttar boiynsha qosymsha poezdar sanyn qosady. Sonymen qatar, jolaýshylar aǵymynyń ulǵaiýyna bailanysty negizgi baǵyttar boiynsha biletterdiń jasandy tapshylyǵy baiqalady, bul rette olardy satý boiynsha zańsyz deldaldar jandana túsedi.
Biletterdiń zańsyz satylýyna tosqaýyl qoiý úshin osy jyldyń naýryz aiynda QR IIDM, QR Sybailas jemqorlyqqa qarsy kúres Agenttigi jáne «QTJ» UK« AQ arasynda temirjol tasymaldaýy salasynda turmystyq sybailas jemqorlyq máselelerin boldyrmaý kózdelgen jol kartasyna qol qoiyldy.
Osy qujatqa sáikes, »QTJ «UK» AQ biletterdi satý jáne jolaýshylardy poezǵa otyrǵyzý kezinde zańsyz is-qimyldar jasaýdy baqylaý jáne shekteý ádisterin qarastyra otyryp, bilet satatyn «Mobius» júiesin jetildirý qajet dep tapty. Alaida, biletterdi zańsyz satý faktileri jalǵasýda.
Sonymen, 28 shilde kúni QR IIDM Kólik komiteti qoǵamdyq uiymdarmen jáne quqyq qorǵaý organdarymen birlesip ótkizgen reidter kezinde, Shymkent, Almaty, Nur-Sultan, Atyraý jáne Taraz qalalarynyń vokzaldarynda biletterdi joǵary baǵamen usynatyn, sondai-aq biletsiz qajetti poiyzǵa otyrǵyzýǵa ýáde bergen «deldaldardyń» bolǵany anyqtaldy. Alty adam QR ÁQBtK-niń 449-baby «qoǵamdyq oryndarda ustaý» boiynsha ákimshilik jaýapkershilikke tartyldy.
Anyqtalǵan faktiler boiynsha, ministrlik «QTJ» UK «AQ» Jolaýshylar tasymaly« AQ men Magistraldyq jeli direktsiiasynyń laýazymdy tulǵalaryna qatysty sharalar qabyldaý qajettigin, sondai-aq biletterdi zańsyz satýǵa qatysqan jeke bilet kassalarymen shartty buzý qajettigin atap ótti.
Aita keteiik, buǵan deiin QR Prezidenti Qasym-Jomart Toqaev Úkimetke jazda poiyz biletiniń tapshylyǵyn joiýdy tapsyrǵan bolatyn.
«Úkimetke jaz mezgilinde poiyz biletteriniń tapshylyǵyn qoldan jasaýdy toqtatý týraly tapsyrma berdim. Bul jaǵdai azamattarymyzǵa qolaisyzdyq týǵyzyp, elimizdegi ishki týrizmniń damýyna kedergi keltirip otyr», dep jazdy Memleket basshysy Twitter-degi paraqshasynda.
