Almatyda qalalyq qyzmetterdiń profilaktikalyq jumysyna 3 mln betperde bólindi, dep habarlaidy QazAqparat.
Qalalyq ákimdik taratqan aqparatqa sáikes, qazir Almatyda meditsinalyq betperdeler men antiseptikalyq quraldardyń alaiaqtyq jolmen saýdaǵa túsýin, sondai-aq satý kezinde baǵany negizsiz kóterý faktilerin anyqtaý úshin reid júrgizilýde. Nátijesinde Almatyda kásipkerlik qyzmetti júzege asyrý úshin tiisti qujaty joq azamattar meditsinalyq maskany ústeme baǵamen satqan kezde qolǵa tústi.
Qazaqstan Respýblikasy Prezidentiniń janyndaǵy Tótenshe jaǵdai rejimin qamtamasyz etý jónindegi memlekettik komissiianyń hattamasy negizinde tárkilengen meditsinalyq betperdelerdiń barlyǵy dereý qalalyq qoǵamdyq densaýlyq basqarmasyna berildi.
Tárkilengen 3 mln betperde sanitarlyq-epidemiologiialyq sharalardy kúsheitilgen rejimde júzege asyryp jatqan qaladaǵy barlyq meditsinalyq uiymdarǵa bólinip beriledi.
2 mln-nan astam meditsinalyq betperde qalalyq Qoǵamdyq densaýlyq basqarmasynyń meditsinalyq qyzmetkerlerine berildi. Búginde olar provizorlyq statsionarlar men izoliatorlarda, sondai-aq úi statsionaryndaǵy adamdarǵa meditsinalyq baqylaý júrgizip jatyr.
Qalǵan jeke qorǵaný quraldary epidemiologtarǵa, Taýarlar men qyzmetterdiń sapasy men qaýipsizdigin baqylaý, Ishki ister, TJ, Ulttyq gvardiia jáne taǵy basqa departament qyzmetkerlerine úlestirildi.
Sonymen qatar, betperdeler Open Almaty qoǵamdyq qabyldaý bólmesiniń qyzmetkerlerine de taratyldy. Óitkeni olar táýlik boiy 1308 nómiri boiynsha turǵyndarǵa barlyq máseleler jóninde, sonyń ishinde koronavirýstyq infektsiianyń taralýyna qarsy áreket boiynsha keńes berýde.
Reidtik is-sharalar kezinde 16 tonna spirt te tárkilendi. Sterildeý kezinde dezinfektsiialaý quraly retinde paidalanýǵa jaramdy bul spirt meditsinalyq uiymdarǵa bólindi.
Jalpy qala ákimdigi koronavirýstyq infektsiianyń taralýyna jol bermeý úshin barlyq tiisti jumystardy jalǵastyrýda. Karantindi engizý týraly sheshimnen keiin 27 blok-bekette kúsh qurylymdary men meditsinalyq uiym qyzmetkerleriniń jumysy jandandy. Qalada COVID-2019 oshaǵy anyqtaldy. Ol aimaqta dezinfektsiialyq is-sharalar júrgizilýde. Maqsat – koronavirýs indetiniń taralý tizbegin joiý. Óz kezeginde qala biligi qala turǵyndaryn karantin rejimin qatań saqtaýǵa jáne árkimdi múmkindiginshe oqshaýlanýyna shaqyrdy.
Suraqtar boiynsha 1406 jáne Open Almaty 1308 nómirleri boiynsha táýlik boiy jumys isteitin call-ortalyqqa habarlasyńyz. Kataraldy belgileri bar adamdar anyqtalǵan jaǵdaida dereý qalanyń sanitarlyq-epidemiologiialyq qyzmetiniń táýlik boiy jumys isteitin 382-33-50 nómirine habarlaý kerek.
