ESPN telearnasynyń sarapshysy ári AQSh-taǵy eń tanymal boks sholýshylarynyń biri Den Rafael meksikalyq Saýl "Kanelo" Alvarestiń (49-1-2, 34 KO) dopingpen ustalýyna qatysty pikir bildirip, onyń orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq Gennadii Golovkinmen (37-0-1, 33 KO) revanshy ótpei qalýy qanshalyqty múmkin ekenine baǵa berdi, - dep habarlaidy Vesti.kz.
Alvares jekpe-jekke eki ai qalǵanda dopingpen ustalǵan. Eki birdei synamasynan tyiym salynǵan klenbýterol preparaty tabylǵan. Meksikalyqtyń komandasy bul jaǵdaidy boksshynyń aǵzasyna bul preparat jelingen etten engen degendi aityp, túsindirgen. Al Nevada shtatynyń Atletter komissiiasy Alvaresti jekpe-jekterden ýaqytsha shektegen. Qorytyndy sheshim 10 sáýirde shyǵarylady. Al Golovkinmen jekpe-jegi 5 mamyrǵa belgilengen.
"Doping tabylǵandyqtan jekpe-jek ótpei qalady dep oilaityndarǵa bir dálel aitaiyn: HBO senbilik transliatsiiasyn PPV-ny damytý úshin paidalanǵan joq jáne óz kúntizbesine shegerip qoidy. Barlyǵy shyndyq, jurtshylyq. Al "Kanelonyń" shettetilýi aldaýsyratý dep jatqandar - sizder ne aityp jatqandaryńyzdy bilmeisizder. Golovkin men "Kanelonyń" ekinshi jekpe-jegi ótpei qalýy múmkin degen úlken qaýip bar. Esterińizge salaiyn, Nevada shtatynyń komissiiasy Taisonǵa birneshe jyl buryn litsenziia berýden tartynyp, Liýiske qarsy jekpe-jekke shyǵarǵan, sol ýaqytta bul boks tarihyndaǵy eń iri oqiǵa edi. Al revansh ótpei qalsa, bul ábden múmkin, buǵan "Kanelo" men onyń bapkerleri kináli bolady. Tom Leffler (Golovkinniń promoýteri) maǵan "Kanelonyń" shettetilýi jaily aitqan, GGG 5 mamyrda Vegasta ia "Kanelomen", ia basqa bir qarsylaspen judyryqtaspaq. Men oǵan Djeikobsty tyǵyryqqa tireý kerek degen edim - ol 28 sáýirde álsiz jekpe-jek ótkizedi. Bul jekpe-jekti keiinge shegerip, bir aptadan keiin GGG-ge qarsy revansh uiymdastyryńyzdar. Revanshtyń ótpei qalýyna taǵy bir sebep - Fathom Events, AQSh-taǵy PPV distribiýtory, jekpe-jekti óz kestesinen alyp tastap, óz saitynan osy kezdesý jaily barlyq materialdy joidy", - dep jazdy Rafael Twitter jelisinde.
Eske sala keteiik, 5 mamyrǵa belgilengen Golovkin - Alvares arasyndaǵy revansh match Las-Vegasta T-Mobile arenasynda ótedi.
Golovkin men Alvarestiń alǵashqy jekpe-jegi 2017 jyldyń 16 qyrkúieginde Las-Vegasta ótken bolatyn. 12 raýndqa sozylǵan jekpe-jek teń eseppen aiaqtalǵan edi.
