QR Prezidenti janyndaǵy Qazaqstan strategiialyq zertteýler institýty direktorynyń orynbasary Alýa Joldybalina Prezident Qasym-Jomart Toqaevtyń búgingi Joldaýynda aitqan bastamalarǵa pikir bildirdi, dep habarlaidy QazAqparat.
«Prezidenttiń búgingi Joldaýynda birshama jańa bastamalar kórinis tapty. Eń birinshiden memlekettik qarjyny basqarý tujyrymdamasy. Búgingi memlekettik qarjyny jumsaý jáne ony baqylaý tártibine úlken mán berildi. Ulttyq qordan bólinetin qarajat, odan keiin biýdjetten ár túrli baǵdarlamalarǵa beriletin qarajattyń barlyǵyn baqylaý jáne ony tiimdi basqarýǵa bailanysty jańa bastama aityldy. Ekinshiden, tsifrlyq úkimettiń jańa arhitektýrasyn qurý. Iaǵni, barlyq qyzmetterdi, ásirese kvazisektordaǵy uiymdarǵa tsifrlyq qyzmettiń barlyǵyn qol jetimdi etip, tsifrlandyrýǵa múmkindik beredi- dedi Alýa Joldybalina.
Sonymen qatar, ol Joldaýda aitylǵan ǵylym salasyn damytýdyń mańyzyna toqtaldy.
«Joldaýda ǵylym salasyn úshjyldyq grant berýdi 5 jylǵa deiin sozý máselesi oryndy qozǵaldy. Bul óz kezegindel irgeli zertteýlerdi júrgizýge, tiimdi júzege asyrýǵa múmkindik beredi. Taǵy bir mańyzdy bastama máslihat pen májilis depýtattarynyń oryndaryn bólý. Endigi kezde 30%-dyq kvotanyń eskerilýi mindetti túrde bolady. Iaǵni, eger oǵan deiin kandidattardyń tiziminde ǵana osy kvota saqtalynsa, endi depýtattarmen, ásirese, máslihat, májilis deńgeiindegi depýtattardyń oryndaryn bólgen kezde bos kvotanyń saqtalýy ol saiasi modernizatsiianyń ári qarai jalǵasyn kórsetedi»- dep tolyqtyrdy Alýa Joldybalina.
