QR Ulttyq bankiniń tóraǵasy Erbolat Dosaev elimizdiń altyn-valiýta qorynyń qyrkúiek aiynda kemýin altynǵa degen suranystyń artýymen bailanystyryp otyr, dep habarlaidy QazAqparat.
«Altyn-valiýta rezervteri biylǵy jylǵy qyrkúiektiń sońynda 35,6 mlrd dollar bolyp, qyrkúiektiń basynan beri 1,2 mlrd dollarǵa tómendedi.
Altyn portfeli AQSh qazynashylyq obligatsiialary kiristiliginiń ósýi nátijesinde altyn baǵasynyń bir ýntsiia úshin 1731 AQSh dollaryna deiin 4,6%-ke tómendeýi saldarynan 0,8 mlrd dollarǵa azaidy», - dedi ol Úkimet otyrysynda.
Erbolat Dosaev biryńǵai jinaqtaýshy zeinetaqy qoryndaǵy aktivterdiń jyl basynan beri 194,3 mlrd teńgege nemese 1,5% ulǵaiǵanyn atady. Osylaisha qyrkúiektiń sońynda onyń japy kólemi 13,1 trln teńge bolǵan.
«Esepti kúnge salymshylardyń zeinetaqy jinaqtaryn merziminen buryn alýǵa arnalǵan 491,7 myń ótinishteriniń oryndalyp, 1,9 trln teńge aýdaryldy. Onyń 97,5%-y turǵyn úi máselelerin sheshýge tiesili. Biylǵy 9 aidyń qorytyndysy boiynsha infliatsiia 6,2% bolǵan kezde 8,9% mólsherinde kiristilik alyndy. Osylaisha, biylǵy jyldyń basynan bastap Biryńǵai jinaqtaýshy zeinetaqy qorynyń salymshylary úshin 2,7% mólsherinde naqty kiristilik qamtamasyz etildi», - dedi Ulttyq bank tóraǵasy.
