Qar barysy Altynemel ulttyq parkinde qarasha aiynda taǵy da fototuzaqqa tústi. Bul - ilbistiń atalǵan ulttyq parktegi ekinshi videosy. Qyrkúiek aiynda fototuzaqqa bir barys túskenin eskersek, endi bul parkte sirek kezdesetin osyndai eki janýar mekendeidi deýge negiz bar, dep habarlaidy "Ult aqparat".
Ekologiia, geologiia jáne tabiǵi resýrstar ministrliginiń málimetinshe, Qyzyl kitapqa engen ańnyń sany jyldam azaiyp keledi. Qazaqstanda 120-130, álem boiynsha 7 myńdai ǵana barys bar.
Ǵylymi dáiekterdiń joqtyǵyna qaramastan, Altynemel ulttyq parkinde barys mekendeitini qujat júzinde dáleldenip qoidy.
Aita keteiik, bul joly fototuzaq basqa taý shatqalyna - shatqal shuńqyrynyń, iaǵni barys apanynyń dál qasyna ornatyldy. Videodan barystyń qalai demalyp, pyryldaǵanyn, ainalany torýyldap júrgenin kórýge bolady.
Qyrkúiektegi barys pen osy jolǵy barystyń júrgen jeri bir-birinen alys ekenin eskersek, bular eki bólek ań bolýy múmkin. Boljamdy naqtylaý úshin ilbisterdiń terisindegi daqtar jiti salystyrylady.
Sirek janýarlardyń foto, video túsirilimderi BUU Damý baǵdarlamasy ornatqan fototuzaqtar kómegimen alynyp otyr.
Barystyń tabylýyna bailanysty jáne basqa da sirek ushyrasatyn Tian-Shan aiýy, Túrkistan mysyǵy, Tian-Shan arqary, tas sýsar, manýl janýarlaryn zertteý úshin Altynemelde jańa ǵylymi-zertteý jumysy men ulttyq parktiń janýarlar popýliatsiiasynyń jaǵdaiyn baqylaý ǵylymi baǵdarlamasy bastalady.
