Estrada juldyzy Altynai Jorabaeva "Mahabbat ult tańdamaidy" dep aralas nekeni qoldap shyqqan Baian Alagózovany ornyna qoidy. 5 qyz tárbielep otyrǵan aiaýly ana qazaq qyzdaryn namysty bolýǵa, aryn bylǵap, ózge ultqa etegin ashpaýǵa shaqyrdy.
“Alla saqtai gór! Namys qaida?! Alla betin aýlaq qylsyn. Óner adamdarynyń osyny qoldaǵandary jaǵany ustatty: “Kiimin kiiýge, texnologiiasyn paidalanýǵa bolady da, turmysqa shyǵýǵa bolmaidy ma? Júrekke ámir júrmeidi” degen ne sóz? Ol júrektiń durys ámir berýi úshin, ultymyz, dinimizdi qurmetteý, súiý degendi ata-ana sanaǵa quiý kerek qoi. Súiýdiń jaǵdaiy osylai eken dep, dindi satyp betimen ketý emes qoi. Basqa ultqa qurmetpen qara, syilaý kerek, óitkeni bizdiń atamyz qazaq qonaqty syilap, tórge otyrǵyzǵan durys. Biraq oǵan qanyńdy aralastyryp, tegińdi bylǵaý degen emes qoi, ainalaiyn-aý”, – dep jazdy ánshi óziniń Instagram-paraqshasynda.
Aita keteiik, Baian Alagózova buǵan deiin "Mahabbat ultqa qaramaidy. Men ózge ultqa turmysqa shyǵýǵa qarsy emespin jáne qoldap ta turǵan joqpyn. Biraq maǵan mahabbat mańyzdy. Mahabbat ǵana áieldi baqytty etedi. Ol sol súigen adamynan ǵana bala súigisi keledi", - dep óziniń jeke pikirin jelidegi paraqshasyna jazǵan edi.
