Jalpy halyqaralyq rezervter 91,9 mlrd AQSh dollaryn qurady. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Ulttyq bank tóraǵasy Erbolat Dosaev aitty, dep habarlaidy "Ult aqparat".
«Altyn valiýta rezervteri aidyń basynan beri azdap tómendep, biylǵy shildede 35 mlrd AQSh dollary boldy. Altyn portfeli negizinen altyn qunynyń ailyq ósýi nátijesinde 960 mln AQSh dollaryna ósti. Erkin aiyrbastalatyn valiýtadaǵy aktivter negizinen ekinshi deńgeidegi bankterdiń korrespondenttik shottary men shetel valiýtasyndaǵy depozitteriniń 655 mln AQSh dollaryna tómendeýi jáne 126 mln AQSh dollaryna memlekettik boryshty tóleý esebinen ózgerdi», - dedi Dosaev.
Onyń aitýynsha, jalpy alǵanda, jalpy halyqaralyq rezervter bir aida 500 mln AQSh dollaryna azaiyp, 91,9 mlrd AQSh dollaryn qurady.
Budan buryn habarlanǵandai, Ulttyq qordyń aktivteri bir aida 450 mln AQSh dollaryna tómendep, biylǵy jylǵy shildeniń sońynda 56,9 mlrd AQSh dollaryn qurady.
