QR Tuńǵysh Prezidenti - Elbasy qory «Altyn tobylǵy» ádebi baiqaýyna qatysýǵa ótinim qabyldaýdy jalǵastyrýda, dep habarlaidy "Ult aqparat".
Qordyń baspasóz qyzmetiniń málimetinshe, jas aqyn-jazýshylar «Úzdik proza», «Úzdik poeziia», «Úzdik dramatýrgiia», «Úzdik balalar shyǵarmasy» nominatsiialary boiynsha shyǵarmashylyq qabiletterin synai alady. Osy tórt nominatsiianyń árbir jeńimpazyna 2 million teńgeden beriledi.
Sonymen qatar, «Uly dalanyń jasampaz urpaǵy» atty arnaiy taqyrybynda nominatsiia jariialanǵan. Bul nominatsiia boiynsha syiaqy 3 million teńge kóleminde bekitilgen.
«Eger siz poeziia men prozaǵa janyńyz jaqyn bolsa, sondai-aq jasyńyz 18-35 arasynda bolsa, «Altyn tobylǵy» - sizge arnalǵan baiqaý! Buryn jariialanbaǵan týyndylar ǵana qabyldanady. Jumystardy at2019@fpp.kz elektrondyq poshtasyna 2019 jyldyń 1 qarashasyna deiin jiberý kerek. Jeńimpazdardyń esimderi (syiaqy laýreattary) 2019 jylǵy jeltoqsannyń alǵashqy onkúndiginde jariialanady», - delingen qordyń baspasóz qyzmetiniń habarlamasynda.
Baiqaýdyń erejeleri jáne sharttarymen fpp.kz saitynda tanysýǵa bolady.
