QR Prezidenti Qasym-Jomart Toqaev «Altyn sapa» konkýrsynyń talaptaryn Eýropalyq sapany basqarý qorynyń modeline sáikestendirýdi usyndy, dep habarlaidy QazAqparat.
«Úshinshi. Memleket pen biznestiń mindeti – elde óndiriletin taýarlardyń básekege qabilettiligin birlesip arttyrý, zamanaýi sapa júiesin engizý. Kásiporyndardaǵy biznes-protsesterdiń diagnostikasy osy saladaǵy jahandyq úrdisterge sáikes kelýi kerek. Áńgime, eń aldymen, Indýstriia 4.0 elementterin tsifrlandyrý jáne paidalaný týraly bolyp otyr. Osyǵan bailanysty «Altyn sapa» konkýrsynyń talaptaryn kezeń-kezeńimen Eýropalyq sapany basqarý qorynyń jańa modeline sáikes keltirý qajet. Biz úzdik halyqaralyq úlgiler men tájiribelerge sai bolýymyz kerek», - dedi Memleket basshysy «Altyn sapa» syilyǵy jeńimpazdaryn quttyqtaý sózinde.
Sondai-aq, Memleket basshysy shaǵyn biznesti tekserýge qoiylǵan moratorii nátijesinde eki jyl ishinde tekserýler sany tórt ese qysqarǵanyn atap ótti.
«Qazaqstanda ekinshi jyl qatarynan shaǵyn biznesti tekserýge moratorii qoldanylyp keledi. Nátijesinde tekserý sany tórt ese qysqardy. Ózekti emes jáne artyq retteýshilik talaptardy qysqarta otyryp, biznesti aqyldy retteýdi engizýge múmkindik beretin zańnamalyq baza ázirlendi. Tiisti zań jyl sońyna deiin qabyldanady», -dedi Qasym-Jomart Toqaev.
