Elordada «Altyn Samǵaý-2019» ulttyq sport júldesiniń jeńimpazdary belgili boldy, - dep habarlaidy «Ult aqparat».
QR Ulttyq Olimpiada komiteti uiytqy bolýymen osymen úshinshi jyl ótip jatqan «Altyn Samǵaý-2019» sporttyq júlde keshine el namysyn respýblikalyq jáne halyqaralyq básekelerde qorǵap júrgen sportshylar qatysty.
«Altyn Samǵaý-2019» ulttyq sporttyq júldesiniń jeńimpazdary:
Úzdik sport komandasy - Hokkeiden Qazaqstannyń erler qurama komandasy;
Úzdik jas sportshy - Ábilmansur Batyrǵaliev (Karate);
Ǵylymi keshendi toptyń úzdik mamany - Irek Satov (Bokstan ulttyq quramanyń dárigeri);
Úzdik para sportshy - Nurlan Dombai (parataekvando);
Úzdik para sport jattyqtyrýshy- Jandos Qiianov ( Paradziýdadan ulttyq qurama jattyqtyrýshysy);
Úzdik sport qaýymdastyǵy - Shaibaly hokkei qaýymdastyǵy;
Úzdik sporttyq óńir - Qyzylorda oblysy;
Qazaqstan sportynyń maitalmany- Ámin Tuiaqov (Jeńil atletika);
Jazǵy sport túrleri boiynsha úzdik jattyqtyrýshy- Áset Serikbaev (Erkin kúres);
Qysqy sport túrleri boiynsha úzdik jattyqtyrýshy- Elena Krýglyhina (Fristail);
Jyl jańalyǵy - Álisher Erǵali ( erkin kúres);
Qysqy sport túrleri boiynsha úzdik sportshy- Elizavet Tursynbaeva ( Mánerlep syrǵanaý);
Jazǵy sport túrleri boiynsha úzdik sportshy- Bekzat Nurdáýlet ( Boks).
Aitýly keshte otandyq estrada juldyzdary «Ninety One» toby, NaZima, «Moldanazar» toby, Kámshat Joldybaeva, Say Mo, Qýandyq Rahym jáne taǵy basqa ánshiler óner kórsetti.
Sondai-aq, kesh kórermenderi arasynda 2020 jylǵy Tokioda ótetin jazǵy Olimpiadaǵa eki bilet utysy oinatyldy.
