4 qańtarda QR Ulttyq akademiialyq kitaphanasynda birneshe kitap kórmesi uiymdastyrylady, dep habarlaidy "Ult aqparat".
Kitaphana baspasóz qyzmetiniń habarlaýynsha, 4 qańtarda 2020 jyly atalyp ótetin Altyn Ordanyń 750 jyldyǵy, álemge áigili oishyl Ál-Farabidiń 1150 jyldyǵy men uly Abaidyń 175 jyldyq mereitoiyna, «Volonter jylyna» jáne «Jýrnalistika ─ dástúr men jańashyldyq jarshysy» kitap jáne fotokórmeler uiymdastyrylady.
«Abai taǵylymy» atty illiýstrativti-kitap kórmesinde uly Abaidyń ómir joly men shyǵarmalary, dúnietanymy men baǵa jetpes murasymen tanystyratyn 8 bólimnen turady. «Qalyń elim qazaǵym...», «Abai týraly», «Abaidyń dúnietanymy», «Abai shyǵarmalary týraly», «Qazaq halqynyń rýhani asyl murasy», «Merzimdi basylymdar Abai týraly syr shertedi», «Abai» romany – qazaq ómiriniń ainasy, úlken shejiresi», «Abaidyń beinesi sýretkerler kózimen» atty bólimderde uly Abai tek qazaq halqynyń ǵana aqyny emes, álemdik ádebietke ortaq tulǵa retinde kórsetiledi.
«Ál-Farabi murasy» atty óte kitap kórmesinde Ábý Nasyr ál-Farabidiń ómiri men qyzmetin jaiynda baiandaityn 400-den astam kitap, fotosýretter, kartalar men dáieksózder usynylady. Kórem 5 bólimnen turady.
«Aibyndy Altyn Orda» atty kitap kórmesinde Altyn Orda memleketiniń qurylýyn, damý tarihyn, kúireýin baiandaityn 160-qa taman kitaptar, fotosýretter, kartalar men dáieksózder usynylady. Kórme 3 bólimnen turady: Altyn Orda memleketiniń qurylýy, Altyn Orda memleketiniń damý tarihy men ydyraýy jáne Ulytaý - handar mekeni.
«Álemdi jaqsy jaqqa ózgert» atty kitap jáne fotokórme uiymdastyrylyp otyr. Kitap kórmesiniń maqsaty – eriktilik bastamalardyń qarqyndy damýyna qoldaý kórsetý jáne QR-da volonterlik mədenietti damytý maqstynnda aqparattyq qamtamasyz etý.
Al «Jýrnalistika ─ dástúr men jańashyldyq jarshysy» atty kitap jáne fotokórmesinde oqyrmandardy Ulttyq akademiialyq kitaphana qoryndaǵy qazaq jýrnalistikasynyń tarihy men buqaralyq aqparat quraldarynyń damýy jaiyndaǵy kitaptarmen tanystyrady.
