Foto: Tengrinews.kz/Shoqan Alqabaev
Almatyda "Altyn Orda" bazary mańyndaǵy jolaiyryq qurylysy taǵy da ýaqytynda aiaqtalmady, - dep habarlaidy Tengrinews.kz tilshisi.
Buǵan deiin sheneýnikter men jolshylar negizgi jol ótkeli qazannyń aiaǵyna deiin aiaqtalady dep málimdegen bolatyn. Sondai-aq, olar kópirdiń odan ary qurylysy shamamen 7-10 kúnge sozylatynyn jáne qarashanyń basyna qarai jolairyqpen júrýge tolyq múmkindik bolatynyn aitty. Alaida 12 qarashaǵa deiin qurylys jumystary áli aiaqtalǵan joq.
"QazAvtoJol" málimetinshe, qurylysshylar osy ýaqytqa deiin estakadanyń sol jaǵyn ǵana bitirip úlgergen.
"Sol jaǵynda aralyq qurylystar tolyq quiylǵan. Qazir symdardy tartyp jatyr. Sondai-aq, olar monolitti ústińgi taqtany quiyp, asfalt-beton jabyndysyn rettei bastady. Oń jaǵynda metall konstrýktsiialar monolitti aralyq qurylymdy quiý úshin turǵyzylyp jatyr, qalyptaý jumystary aiaqtalý satysynda, monolitti qondyrmany betondaý jumystary aiaqtaldy", - dedi ulttyq kompaniia ókilderi.
Jalpy, uzyndyǵy 1200 metr qurylystyń búginde 150 metri aiaqtalýy kerek ekeni aityldy. Odan ári jol jabynyn jasaý júrgiziledi.
"Kópirge jaqyn mańda negizgi magistral estakadada jabyn qabattaryn tóseý jumystary júrgizilip jatyr. Qurylys normalary men erejelerine sáikes betondaý jumystary aiaqtalǵannan keiin, sondai-aq jumys jobasy, statikalyq jáne dinamikalyq synaqtar júrgizildi, qurylymy bastalady. Bul kópir qurylystary salynǵannan keiin ajyramas bóligi sanalady. Osydan keiin negizgi magistral estakada boiyn ashý josparlanǵan. Qazirgi qarqynmen jyl aiaǵyna deiin kópirde jáne ýchaskede tolyq qozǵalys aiaqtalmai turyp ashylady dep josparlanǵan", - dep qosty "QazAvtoJol".
Jolairyqta qozǵalys birneshe jolaqtarǵa bólinedi. Alǵashqy eki jolaq joldyń osine jaqynyraq ornalasady. Bul tranzittik kólikterdiń kedergisiz ótýin qamtamasyz etý úshin jasalyp jatyr. Úshinshi jáne tórtinshi jolaqtar jergilikti kólik qozǵalysyna arnalǵan. Al besinshi jolaq avtobýs jolaǵy bolady.
Buǵan deiin biyl 10 qyrkúiekte júrgizýshiler qarashanyń basynda jolairyq boiymen júre alatyny habarlanǵan bolatyn.
"Qazannyń aiaǵyna deiin bul jolairyǵynda qurylys jumystaryn tolyǵymen aiaqtaimyz. Sosyn bir apta nemese 10 kún ishinde joldy retke keltirý jumystaryn aiaqtaimyz: jaryqtandyrý men belgiler ornatý, sondai-aq tańbalaý jumystaryn júrgizý. Qarashanyń basynda júrgizýshiler osy jol airyǵymen júre alady", - dedi indýstriia jáne infraqurylymdyq damý vitse-ministri Berik Qamaliev.
