Foto: © Sputnik / Timýr Batyrshin
Almaty oblysy boiynsha Memlekettik kirister departamenti maýsymda "Altyn Orda" bazarynda zertteý júrgizdi. Tekserý nátijesinde birqatar zańbuzýshylyqtar anyqtalǵan, - dep habarlaidy Tengrinews.kz saity.
"Almaty oblysy boiynsha Memlekettik kirister departamenti biyl maýsymda Altyn Orda New Company JShS-de hronometrajdyq zertteý júrgizdi. Nátijesinde JShS 2022 jyldyń 4 toqsanyna 530,4 million teńgeniń kirisin kórsete otyryp, qosymsha salyq eseptiligin tapsyrdy. Qosymsha eseptelgen qosylǵan qun salyǵy - 63,6 million teńge, korporativti tabys salyǵy - 106,0 million teńge, ósimpuldy eseptemegende hronometrajdyq tekserý nátijeleri boiynsha biýdjetke barlyǵy 169,6 million teńge tústi.
Tekserý barysynda Altyn Orda New Company JShS-de baqylaý-kassa mashinalaryn qoldanbai aqshalai esep aiyrysýdy júzege asyrýdyń qosymsha núkteleri anyqtaldy (bazarǵa kirý (qaqpa) jáne býhgalteriia). Tekserý nátijeleri boiynsha qosymsha 4 baqylaý-kassa mashinasy tirkeldi", - delingen habarlamada.
Búginde "Altyn Orda" saýda bazarynda túsindirý jumystarynyń nátijelerimen jeke kásipkerler retinde 742 salyq tóleýshi jáne osynsha baqylaý-kassa mashinasy erikti túrde tirkelgeni aityldy.
"Odan bólek, Almaty oblysy boiynsha Politsiia departamentiniń qyzmetkerlerimen birlesip, "Altyn orda" bazarynda kásipkerlik qyzmetti salyq organdarynda tirkeýsiz júzege asyratyn tulǵalardy anyqtaý boiynsha taqyryptyq (reidtik) tekserý júrgizildi. Reid barysynda 12 jeke tulǵa anyqtaldy. Materialdary sotqa joldandy" - delingen habarlamada.
Budan basqa, memlekettik kirister organdarynyń qyzmetkerleri 3 salyq tóleýshini ákimshilik jaýapkershilikke tartqan:
- 1 salyq tóleýshi kásipkerlik qyzmetpen ainalysqany, sondai-aq tiisti tirkeýsiz, ruqsatsyz nemese habarlama jiberýsiz áreketterdi júzege asyrǵany úshin;
- taýardyń baǵasyn tómendetip kórsetip, atalǵan taýardy "Altyn orda" bazarynyń aýmaǵynda ótkizgen eki tulǵa ákimshilik jaýapkershilikke tartyldy.
