Almaty oblysynyń prokýratýrasy "Altyn Orda" bazarynda qandai zań buzý derekteri anyqtalǵanyn aitty, - dep habarlaidy Tengrinews.kz tilshisi.
Prokýratýra málimetinshe, bazarda jer, tabiǵatty qorǵaý, órtke qarsy, salyq, sanitarlyq-epidemiologiialyq, sáýlet-qurylys, eńbek, kóshi-qon, monopoliiaǵa qarsy, veterinariia zańnamalaryn buzý anyqtalǵan.
"Mysaly, 1,4 gektar memlekettik jerdi óz betinshe basyp alý deregi anyqtaldy. Bul jerge bazar ákimshiligi bólshek saýda dúkenderin salyp, odan kún saiyn jalǵa berýden kiris túsken. Aqsai ózeniniń sý qorǵaý aimaǵyn buzý faktileri anyqtaldy. Ózenge jaqyn jerde ruqsat etilmegen 17 ǵimarat ornalasqan. Jalpy, bazar aýmaǵynda ruqsat etilmegen 36 ǵimarat anyqtaldy. Sonymen qatar, qujattamaǵa sáikes, ǵimarattardyń bir bóligi buzyldy delingen, muny buzý aktileri dáleldeidi. Biraq shyn máninde bul nysandar jumys istep, ielerine kúndelikti kiris ákelir tur.
Qujattardy qoldan jasaý faktisi qazirgi ýaqytta QK-niń 385-baby 1-bóligi "Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daiyndaý nemese ótkizý" boiynsha sotaldy tergeýdiń biryńǵai tiziliminde tirkelgen, tergeý júrgizilip jatyr. Onyń barysynda memlekettik organdardaǵy laýazymdy tulǵalardyń qujatty qoldan jasaýǵa qatystylyǵy tekseriledi", - dedi Almaty oblysy prokýratýrasy qoǵamdyq múddelerdi qorǵaý basqarmasynyń bastyǵy Sabyrjan Ońalbaev.
Tekserý kezeńinde bazar aýmaǵynda ruqsat beretin qujattarsyz jumys jasaǵan 230-dan astam sheteldik ustalǵany belgili boldy.
"Sonymen qatar, shetel azamattaryn elden shyǵarý týraly sot sheshimderin oryndaýdan jaltarý úshin olarǵa baspana berý deregi anyqtaldy. Tekserý materialdary boiynsha osy bólikte QK-niń 394-baby 1-bóligi "Zańsyz kóshi-qondy uiymdastyrý" jáne QK-niń 430-baby 1-bóligi "Sot úkimin, sot sheshimin nemese ózge de sot aktisin ne atqarýshylyq qujatty oryndamaý" boiynsha sotaldy tergep-tekserýler bastaldy.
Saýda qyzmetteriniń jekelegen túrlerine monopoliialyq jaǵdaidy teris paidalaný deregi. 1,6 milliard teńgeden astam somaǵa salyq zańnamasyn buzý faktileri anyqtaldy", - dedi prokýratýra ókilderi.
Sondai-aq, prokýratýra málimetinshe, bazardaǵy 7 kireberiste avtoturaq aqysyn tóleý kezinde baqylaý-kassalyq apparattar bolmaǵan.
"Qabyldanǵan sharalar arqyly bazar aýmaǵynda 2898 biznes sýbektisin tirkeý esebine qoiý qamtamasyz etildi. 12 naýryzdan 12 sáýirge deiin vizýaldy tekserý júrgizildi, onyń barysynda alymdardan túsetin jyldyq kiristiń shamamen alynǵan somasy anyqtaldy. Ortasha alǵanda, ol 3 milliard teńgege teń, biraq bazar ákimshiligi salyq tóler kezde basqa sandardy kórsetken", - dedi prokýratýra ókilderi.
Prokýratýranyń talaby boiynsha memlekettik kirister organdary salyqtyq tekserýdi bastaǵan, onyń barysynda tóleýge tiisti salyqtardyń naqty somasy esepteledi.
Tekseris barysynda basqa da zań buzý derekteri anyqtalǵan.
"Negizinen, halyqtyń sanitarlyq-epidemiologiialyq salaýattylyǵy salasynda 20-dan astam, veterinariialyq-sanitariialyq talaptardy saqtaý boiynsha 18, órt qaýipsizdigin saqtaý boiynsha 210-dan astam, qorshaǵan ortany qorǵaý salasynda 5, eńbek zańnamasy salasynda 16 zańbuzýshylyq anyqtaldy. Osy zańbuzýshylyqtar boiynsha kináli tulǵalardy jaýapkershilikke tartý úshin memlekettik organdarǵa qadaǵalaý aktileri engizildi", - dep qorytyndylady vedomstvo ókilderi.
Buǵan deiin Almaty oblysynyń ákimi Qanat Bozymbaev "Altyn Orda" bazaryna júrgizilgen tekseris týraly aitqan bolatyn. Onyń aitýynsha, "Altyn Orda" bazarynda buzylmaǵan birde-bir zań jaq, onyń ishinde kóshi-qon zańnamasy da.
