FOTO: TJM
Astana qalasynyń mamandandyrylǵan aýdanaralyq ákimshilik soty "Maiqaiyńaltyn" AQ kenishindegi apatqa jumys berýshi 100% kináli dep tanydy, - dep habarlaidy «Ult aqparat» Astana sotynyń baspasóz qyzmetine silteme jasap.
2024 jyldyń 4 qańtarynda "Maiqaiyńaltyn" AQ Maiqaiyń jerasty kenishiniń aýmaǵynda "Kásibi áskerilendirilgen avariialyq-qutqarý qyzmeti" JShS qyzmetkerleri avtobýs tazartý keńistigine qulap ketken edi. Saldarynan eki adam qaza taýyp, qalǵan ekeýi habar-osharsyz joǵalǵan bolatyn.
Aita keteri, eńbek qyzmetine bailanysty ólimge ákelip soqqan jazataiym oqiǵanyń sebepterin tergeý maqsatynda komissiia quryldy.
Tergeý qorytyndysy boiynsha komissiia toptyq jazataiym oqiǵany tergeý aktisin jasap, oǵan jumys berýshiniń 100% kinási bar ekeni anyqtaldy.
"Maiqaiyńaltyn" AQ jazataiym oqiǵaǵa qatysy joq ekenin aityp, daýlasty.
Isti qaraý kezinde sot taý-ken massasynyń keńistikke qulaýy saldarynan toptyq jazataiym oqiǵanyń sebepterine mynalardy jatqyzdy:
1."Maiqaiyńaltyn" AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaýdy tiisinshe júzege asyrmai, jumys óndirisin qanaǵattanarlyqsyz uiymdastyrýy.
2.Taý-ken jáne geologiialyq barlaý jumystaryn júrgizetin qaýipti óndiristik obektiler úshin ónerkásiptik qaýipsizdikti qamtamasyz etý qaǵidalaryn buza otyryp, bloktardy pysyqtaý kezinde opyrylý protsesin tiisti deńgeide baqylamaý.
3.Talapkerdiń ken qazbalaryn pysyqtaý kezinde qazba birlikterin (bloktaryn) jetildirýge arnalǵan jobalary bolmaǵan (ázirlenbegen).
Derekter men basqa da mán-jailardy sotta zerttelgen tergeý materialdary, onyń ishinde saraptamalar men kishi komissiialardyń qorytyndylary rastady.
"Jazataiym oqiǵa jumys ýaqytynda "KÁAQQ" JShS qyzmetkerleriniń eńbek mindetterin oryndaý kezinde bolǵan. "Maiqaiyńaltyn" AQ jaýapty tulǵalarynyń áreketterinen (áreketsizdiginen) týyndaǵan jazataiym oqiǵanyń sebepterin negizge ala otyryp, talapkerdiń 100% kinási bar dep tanyldy", - delingen sot habarlamasynda.
Osyǵan bailanysty sot eńbek komiteti men ónerkásiptik qaýipsizdik komitetine talap qoiýdy qanaǵattandyrýdan bas tartty.
Sot ónerkásiptik qaýipsizdik komitetin tiisti emes tulǵa retinde tanydy.
Sheshim zańdy kúshine engen joq.
Aita keteiik, biyl 4 qańtarda "Maiqaiyńaltyn" AQ aýmaǵynda 4 adam otyrǵan avtobýs opyrylǵan shuńqyrǵa qulap ketken edi. Saldarynan 2 qutqarýshy kóz jumdy, qalǵan 2 adam (1 qutqarýshy, 1 júrgizýshi) áli tabylmai jatyr.
