«Tuǵyry biik Táýelsizdik!» taqyrybymen Oral qalasynda ótken VIII «Altyn dombyra» respýblikalyq aqyndar aitysy búgin efirge shyǵady, dep habarlaidy "Ult aqparat" «Qazaqstan» ulttyq telearnasynyń baspasóz qyzmetine silteme jasap.
Jyr dodasyn «Qazaqstan» arnasy kórsetedi.
«Alaman aitysqa Aibek Qaliev, Rústem Qaiyrtaiuly, Muhtar Niiazov, Aspanbek Shuǵataev, Jansaia Mýsina, Didar Qamiev, Ásem Erejeqyzy, Shalqarbai Izbasarov, Qaziret Berdihan, Ómirjan Kópbosynuly, Arýna Kerimbek, Jandarbek Bulǵaqov, Bekzat Asqarov, Talǵat Myqi, Serik Qusanbaev, Shuǵaiyp Sezimhan, Juldyzai Maratbekova, Birjan Baitýov, Qanat Myrzahan, Baýyrjan Shirmedinuly syndy elimizge tanymal 20 aqyn qatysyp, baq synady», - delingen baspasóz habarlamasynda.
Kórermen ulttyq arna efirinen 3-4 qańtar kúnderi saǵat 15:00-de 1-2 ainalymdy jáne 5-qańtar kúni saǵat 14:00-de finaldyq básekeni tamashalai alady.
