"Bilim berý granttaryn berý jónindegi respýblikalyq konkýrstyq komissiiasy jumysynyń aldyn ala qorytyndylary boiynsha «Altyn belgi» medal iegerleriniń birshamasy memlekettik grant esebinen bilim ala almaityndyqtary belgili boldy. Bul týraly QR Bilim jáne ǵylym ministrliginiń baspasóz qyzmeti habarlady", - dep jazady Ult.kz tilshisi QazAqparat agenttigine silteme jasap.
«Biyl 2059 «Altyn belgi» iegeri oqýyn elimizdiń JOO-da jalǵastyrýǵa niet bildirdi. Alaida, olardyń deni básekelestik deńgeii joǵary qarjy-ekonomikalyq nemese áleýmettik-gýmanitarlyq baǵyttaǵy mamandyqtardy tańdap alyp otyr. Kópshilik elimizde sońǵy jyldary indýstriialyq-innovatsiialyq damý basymdyqtaryna kóp kóńil bólinip jatqanyn eskermei keledi. Biyl da memlekettik granttardyń kóp bóligi atalǵan basymdyqtardy júzege asyrýdy kózdep, eńbek naryǵynyń qajettilikterine baǵyttalyp otyr», - delingen habarlamada.
QR Bilim jáne ǵylym ministrligi joǵary oqý oryndarynyń basshylyǵymen birlesip, memlekettik granttardy ala almai qalǵan «Altyn belgi» iegerleriniń isterin jeke-jeke qarastyryp, olardyń JOO qarajaty esebinen bilim alý múmkindigin qarastyrmaq.
.jpeg)