Qazaqstan Ulttyq banki 2021 jyly 6 mamyrda ALTYN BARYS investitsiialyq monetalarynyń satylymǵa shyǵatynyn habarlady.
Monetalardy kazcoins.nationalbank.kz internet-dúkeni arqyly satyp alýǵa bolady. Ol úshin qoldanýshylar tirkelip, jeke kabinet ashýǵa tiis.
ALTYN BARYS investitsiialyq monetalary – 999,9 joǵary synamaly, sapasy joǵary altyn monetalar.
Investitsiialyq monetalardyń ereksheligi – bul monetalar jasalǵan metaldyń ózindik quny men salmaǵyna bailanysty tabys ákeletindiginde. Sondai-aq, erejelerge sáikes, investitsiialyq monetalardy Ulttyq Bank keri satyp alýǵa qabyldai beredi jáne olardyń quny monetadaǵy metaldyń salmaǵyna qarai esepteledi.
Barlyq nominaldaǵy investitsiialyq monetalar Qazaqstan Respýblikasynyń búkil aýmaǵynda belgilengen qunyna sáikes kez kelgen tólem túri boiynsha, sondai-aq bank shottaryna esepke jazý úshin jáne aýdarý úshin qabyldana beredi, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
ALTYN BARYS investitsiialyq monetalary Qazaqstan teńge saraiynda daiyndalǵan.
2021 jylǵy tańbamen soǵylǵan ALTYN BARYS investitsiialyq monetalarynyń sýreti men sipattamasy
Avers | Revers | Nominaly: 10 teńge Metall quramy: Au 999,9 Diametri: 16 mm Massasy: 3,11g (1/10 oz) Qyry: bederli |
Avers | Revers | Nominaly: 20 teńge Metall quramy: Au 999,9 Diametri: 20 mm Massasy: 7,78g (1/4 oz) Qyry: bederli |
Avers | Revers | Nominaly: 50 teńge Metall quramy: Au 999,9 Diametri: 25 mm Massasy: 15,55 g (1/2 oz) Qyry: bederli |
Avers | Revers | Nominaly: 100 teńge Metall quramy: Au 999,9 Diametri: 32 mm Massasy: 31,1g (1,0 oz) Qyry: bederli |
Avers | Revers | Nominaly: 200 teńge Metall quramy: Au 999,9 Diametri: 38,61 mm Massasy: 62,2g (2,0 oz) Qyry: bederli |
Avers | Revers | Nominaly: 500 teńge Metall quramy: Au 999,9 Diametri: 50 mm Massasy: 155,5g (5,0 oz) Qyry: bederli |
