Dziýdodan Qazaqstan erler quramasynyń bas jattyqtyrýshysy Ǵalymjan Jylgeldiev Eldostyń búgingi jestigine baǵa berdi, dep habarlaidy "Ult aqparat".
«Kóńil kúiim, árine, jaqsy. Búgin dziýdoshylar úshin Olimpiada oiyndary bastaldy. Árine osy Olimpiada oiyndaryna «altyn» alamyz degen úmitpen kelgenbiz. Eldos altyn alady ǵoi de oilaǵan edik. Biraq, qola medal buiyryp tur eken. Oǵan da rahmet», - dedi bas bapker BAQ ókilderiniń saýalyna tikelei bailanys arqyly bergen jaýabynda.
Dziýdoshy jigitterdiń bapkeri alda taǵy tqrt shákirtiniń tatamige shyǵatynyn eske salyp, solardyń bári altyn medal arqalaidy dep senip otyrǵanyn atap ótti.
«Endi Eldostan da bólek taǵy tórt sportshymyz bar. Áli solar básekege túsedi. Sondyqtan, sol sportshylarymyz áli bizdi qýantady degen senimdemiz. Alla qalasa, «altyn» bolady degen senimdemiz», - dedi Ǵalymjan Jylgeldiev.
Eske salsaq, búgin Tokio tórindegi tatamide 60 keli salmaq boiynsha beldesken Eldos Smetov Qazaqstan qorjynyna alǵashqy medaldi salǵan bolatyn.
