«Qazaqstannyń «Altyn adamy» Kýala Lýmpýrdyń Negara mýzeiine qoiyldy. Qazaq jaýyngeriniń altynnan tigilgen kiimi 1 qazan men 31 qazan aralyǵynda álem mýzeilerine týr jasaidy», dep jazady The Star.
Avtor Qazaqstannyń ulttyq simvoldarynyń biri sanalatyn «Altyn adam» b.z.d. 500 jyldarǵa tiesili ekenin jáne ony shaiqasta qaza tapqan jas saq jaýyngeri kigenin jazady.
«Altyn adam» 1969 jyly Almatynyń shyǵysynda Esik degen jerdegi mazardan tabylǵan. Kiim tórt myńǵa jýyq altyn áshekeimen bezendirilgen jáne olardyń kóbinde janýarlar beinesi bar. Sonymen qatar onyń bas kiiminiń biiktigi 70 sm shamasynda», dep jazady avtor.
Malaiziianyń týrizm, óner jáne mádeniet ministri Datýk Ketapi bul kórme kelýshilerdiń Qazaqstan mádenieti týraly bilimin tereńdetip qana qoimai, dipllomatiiaǵa da oń áser etetinin aitty.
«Men bul kórme Qazaqstannyń tarihy men mádenietin tereń tanýǵa oń áser etedi dep oilaimyn», dedi ol ashylý saltanatynda.
Al Malaiziia mýzeiler departamentiniń bas direktory Kamarýl Baharin Malaiziia atalǵan kórmeni uiymdastyratyn Ońtústik Shyǵys Aziiadaǵy jalǵyz memleket ekenin atap ótti.
«Altyn adamnyń álem mýzeilerine sherýin Qazaqstannyń ulttyq mýzeii men Mádeniet jáne sport ministrligi uiymdastyryp jatyr. Kórmede «Altyn adamnan» basqa altynnan jasalǵan bes júzge jýyq áshekei buiymdar men ejelgi dástúrli kiim úlgileri qoiylǵan», dep jazady basylym.
