Alty jasar bala mektepke barmaǵany úshin aiyppul salynbaidy. Bul týraly QR Úkimetinde ótken baspasóz konferentsiiasy barysynda QR bilim jəne ǵylym ministri Ashat Aimaǵambetov aityp berdi, dep habarlaidy "Ult aqparat".
«Bizde bala birinshi synypqa barǵan kezde mindetti túrde oqyp, jazyp, sanai bilýi kerek degen eshqandai da talap joq. Ol birinshi synypqa keledi – baǵdarlama balalar esh daǵdysyz, bilimsiz keledi dep ázirlenedi.
Sondyqtan, birinshi synypta olar áripterdi, sanaýdy, jazýdy, oqýdy úirenedi – bul eń qiyn sát emes. Alaida, mektepke túsý kezinde – mundai zańdylyq bar. Sondyqtan 6 jastan bastap balalar mektepke barady – biraq bul ata-ananyń quqyǵy. Alty jasar balanyń mektepke kelmeýi úshin aiyppuldar qarastyrylmaǵan. Tiisinshe, eshkimge eshkim aiyppul sala almaidy. Jeke erekshelikteri bar», — dedi QR bilim jáne ǵylym ministri.
A. Aimaǵambetov qazaqstandyq mektepterde erekshe bilim alý qajettilikteri bar balalar mektepke tipti 8 jasynda keletin kezder kezigetinin atap ótti. Bul aýrýlarǵa, balanyń ainalasyna jáne basqa da faktorlarǵa bailanysty bolýy múmkin. Bul úshin aiyppuldar men yqpalsharalar qarastyrylmaǵan.
Sonymen birge, QR bilim jáne ǵylym ministri oqýshylar elektrondy oqýlyqtardy qoldana alatynyn, olardy QR kodtar boiynsha júktei alatynyn jáne mektepke planshetpen, elektrondy kitappen nemese noýtbýkpen bara alatynyn aitty. Vedomstvo óńirlerge arnaiy nusqaý hat daiyndady, onda bul oqýshy men onyń ata-anasynyń quqyǵy dep jazylǵan.
«Maǵan muǵalimder elektrondy oqýlyqtardy paidalanýǵa ruqsat bere me dep suraidy. Biz oqý jylynyń basyna arnalǵan nusqaýlyq-ádistemelik hatta osy jaǵdaidy oqýshynyń tańdaýy ekendigi týraly jazdyq. Elektrondy oqýlyq – sol qarapaiym oqýlyqtyń ózi. Bala planshetpen, elektrondy kitappen, noýtbýkpen kele alady – bul ártúrli qurylǵylar bolýy múmkin. Eger ata-analardyń jáne balalardyń oqýlyqtardyń elektrondy nusqalaryn qoldaný arqyly oqýǵa tehnikalyq múmkindik berýge múmkindigi men nieti bolsa, ministrlik buǵan kedergi jasamaidy jáne bul quqyqty ata-analarǵa beredi. Bul protseske qatań talaptar qoiylmaǵan», — dep túsindirdi A. Aimaǵambetov.
Aita keteiik, Bilim jáne ǵylym ministrligi jergilikti atqarýshy organdarmen birlesip, jańa oqý jylyna daiyndyq jumystaryn júrgizýde. Jańa oqý jylynda mektepter 3 mln-nan astam balany qabyldaýdy josparlap otyr. 1 synypqa 405 myńnan astam bala barady dep kútilýde, bul ótken jylmen salystyrǵanda 20 myńǵa kóp.
