Tutynýshylar tarapynan kelip túsetin ótinishterdiń artýy el arasynda tutynýshylyq mádeniettiń artqanyn da kórsetedi. QR Saýda jáne integratsiia ministri Baqyt Sultanov Úkimet otyrysynda osyndai málimet berdi, dep habarlaidy QazAqparat.
«Tutynýshylardyń quqyqtaryn qorǵaý jónindegi zańnamaǵa byltyr engizilgen túzetýlerdiń arqasynda QR Úkimetiniń janynda vedomstvoaralyq keńes quryldy. Tutynýshylardyń quqyqtaryn qorǵaý salasyndaǵy ýákiletti organǵa memlekettik baqylaý júrgizý fýnktsiialary berildi. Tutynýshylardyń quqyqtaryn buzǵany úshin ákimshilik jaýapkershilikke tartý normalary engizildi. Tutynýshylardyń shaǵymdaryn qaraýdyń úsh satyly júiesi quryldy», - degen ministr, biyl 1 qańtardan bastap «E-tutynushy» aqparattyq júiesi iske qosylǵanyn eske saldy.
Onyń aitýynsha, jyl saiyn Saýda jáne integratsiia ministrligine tutynýshylardan kelip túsetin ótinishterdiń sany artyp keledi.
«Ministrlik 2019 jyly 6 myńǵa jýyq ótinishti qarasa, 2020 jyly ótinishter sany 21 myńǵa jetti. Al biyl 10 aidyń kórsetkishi ótken jyldyń kóleminen asyp tústi.
Osy málimetter salada problema bar ekenin ǵana emes, tutynýshylyq mádenietiniń birtindep artyp kele jatqanyn da kórsetedi. Ótinishterdiń ósýiniń uqsas jaǵdaiy ózge memlekettik organdar boiynsha da baiqalady. Mysaly, 2019 jyly memlekettik organdarǵa shamamen memlekettik organdarǵa shamamen 30 myń ótinish tússe, 2020 jyly 40 myń, al biyl jarty jylda 26 myń ótinish qaraldy», - dedi Baqyt Sultanov.
