تۇتىنۋشىلار تاراپىنان كەلٸپ تٷسەتٸن ٶتٸنٸشتەردٸڭ ارتۋى ەل اراسىندا تۇتىنۋشىلىق مەدەنيەتتٸڭ ارتقانىن دا كٶرسەتەدٸ. قر ساۋدا جەنە ينتەگراتسييا مينيسترٸ باقىت سۇلتانوۆ ٷكٸمەت وتىرىسىندا وسىنداي مەلٸمەت بەردٸ, دەپ حابارلايدى قازاقپارات.
«تۇتىنۋشىلاردىڭ قۇقىقتارىن قورعاۋ جٶنٸندەگٸ زاڭناماعا بىلتىر ەنگٸزٸلگەن تٷزەتۋلەردٸڭ ارقاسىندا قر ٷكٸمەتٸنٸڭ جانىندا ۆەدومستۆوارالىق كەڭەس قۇرىلدى. تۇتىنۋشىلاردىڭ قۇقىقتارىن قورعاۋ سالاسىنداعى ۋەكٸلەتتٸ ورگانعا مەملەكەتتٸك باقىلاۋ جٷرگٸزۋ فۋنكتسييالارى بەرٸلدٸ. تۇتىنۋشىلاردىڭ قۇقىقتارىن بۇزعانى ٷشٸن ەكٸمشٸلٸك جاۋاپكەرشٸلٸككە تارتۋ نورمالارى ەنگٸزٸلدٸ. تۇتىنۋشىلاردىڭ شاعىمدارىن قاراۋدىڭ ٷش ساتىلى جٷيەسٸ قۇرىلدى», - دەگەن مينيستر, بيىل 1 قاڭتاردان باستاپ «ە-tutynushy» اقپاراتتىق جٷيەسٸ ٸسكە قوسىلعانىن ەسكە سالدى.
ونىڭ ايتۋىنشا, جىل سايىن ساۋدا جەنە ينتەگراتسييا مينيسترلٸگٸنە تۇتىنۋشىلاردان كەلٸپ تٷسەتٸن ٶتٸنٸشتەردٸڭ سانى ارتىپ كەلەدٸ.
«مينيسترلٸك 2019 جىلى 6 مىڭعا جۋىق ٶتٸنٸشتٸ قاراسا, 2020 جىلى ٶتٸنٸشتەر سانى 21 مىڭعا جەتتٸ. ال بيىل 10 ايدىڭ كٶرسەتكٸشٸ ٶتكەن جىلدىڭ كٶلەمٸنەن اسىپ تٷستٸ.
وسى مەلٸمەتتەر سالادا پروبلەما بار ەكەنٸن عانا ەمەس, تۇتىنۋشىلىق مەدەنيەتٸنٸڭ بٸرتٸندەپ ارتىپ كەلە جاتقانىن دا كٶرسەتەدٸ. ٶتٸنٸشتەردٸڭ ٶسۋٸنٸڭ ۇقساس جاعدايى ٶزگە مەملەكەتتٸك ورگاندار بويىنشا دا بايقالادى. مىسالى, 2019 جىلى مەملەكەتتٸك ورگاندارعا شامامەن مەملەكەتتٸك ورگاندارعا شامامەن 30 مىڭ ٶتٸنٸش تٷسسە, 2020 جىلى 40 مىڭ, ال بيىل جارتى جىلدا 26 مىڭ ٶتٸنٸش قارالدى», - دەدٸ باقىت سۇلتانوۆ.
