Kongo Demokratiialyq Respýblikasynyń shyǵysynda ornalasqan Djýgý aýdanynda altyn óndiriletin karerde jumys istep jatqan alty altyn izdeýshi otteginiń jetispeýinen kóz jumdy, dep habarlaidy QazAqparat jergilikti Actualite portalyna silteme jasap.
BAQ-tan belgili bolǵandai, zańsyz jumys istegen kenshiler dúisenbi kúni túnde «Essizdik» ataýymen belgili karerde qaza tapqan. Ol Djýgý aýdanyna qarasty Mýngvalý aýyldyq kommýnadan jeti shaqyrymdai qashyqtyqta ornalasqan.
«Bir qudyqta jalpy 8 adam jumys istep jatqan. Otteginiń jetispeýinen osyndai problema týyndaǵan. Ekeýi kómek kórsetilip, aman qaldy, qalǵan altaýy oqiǵa ornynda kóz jumdy», - dedi Mýngvalý aýyldyq kommýnasynyń basshysy Jan Per Bikilisende.
Shahtanyń politsiia jasaǵy tergeý ótkizý úshin oqiǵa ornyna keldi.
