Elorda ákimi Altai Kólginov úleskerlik qurylystyń problemaly nysandaryn aralady. Ákim nysandardyń qurylys barysymen tanysyp, turǵyn úi keshenderiniń úleskerlerimen áńgimelesti, dep habarlaidy "Ult aqparat" qala ákiminiń resmi saityna silteme jasap.
Ákim Y. Dúkenuly, A. Panfilov, Sh.Ýálihanov kósheleriniń qiylysyndaǵy qurylysy júrip jatqan «Garant» KTK nysanyn aralap shyqty. Jalpy aýdany 17,602,80 sharshy metr bolatyn 330 páterge eseptelgen problemaly nysannyń qurylysyn «Azbýka jilia» kompaniialar toby 2011 jyly bastaǵan bolatyn. Qurylysty aiaqtaý úshin 2016 jyly nysan «Orda Injiniring» JShS-ǵa ótkizildi. Úleskerlerdiń jalpy sany - 168 adam. Nysandy 2020 jyldyń sáýir aiynda paidalanýǵa berý josparlanyp otyr.
«Ár apta saiyn bir-eki problemaly kóppáterli turǵyn úilerdi aralap turamyn. Josparly keste túzildi. Qurylystyń aiaqtalý protsesin jáne sozylyp ketken úleskerler máselesiniń túbegeili sheshimin tabýdy baqylaýda ustaimyn» - dedi ákim.
Sondai-aq, ákim Shubar turǵyn alabynyń Qalqaman jáne Narkesken kósheleriniń qiylysynda ornalasqan «Komfort de Luxe» TK qurylys alańyna bardy. Jalpy aýdany 15 734,50 sharshy metr bolatyn 216 páterge arnalǵan turǵyn úi kesheniniń qurylysy 2012 jyly bastalǵan. Bul nysan boiynsha úleskerlerdiń jalpy sany - 227 adam. Qurylysty 2019 jyldyń jeltoqsanynda aiaqtaý josparlanyp otyr.
