Shyǵys Qazaqstan oblysynyń Altai qalasynda jóndelip jatqan Lenin eskertkishi qirap qaldy, dep habarlaidy QazAqparat agenttigi.
Altai qalasynyń ortalyǵynda ornalasqan Leninniń eskertkishin jóndeýge aýdan ákimdiginen qarajat bólingen. 15 tamyz kúni jóndeý jumystaryn júrgizip jatqan merdiger kompaniianyń júktiegish kóligi eskertkishti qulatyp, qiratyp alǵan.
Aýdan ákimdiginiń málimetine súiensek, qazirgi ýaqytta osyǵan orai tekserý jumystary júrgizilip jatyr.
«Eskertkishtiń jóndeý jumystary kezinde qulap ketýine bailanysty quqyq qorǵaý organdary tekserý júrgizip jatyr. Oqiǵanyń barlyq mán-jaiy sodan keiin belgili bolmaq», - dep qysqa qaiyrdy ákimdikten.
Áleýmettik jelide jóndeý jumystaryn júrgizip jatqan merdiger kompaniia ókiliniń videosy tarady. Onda ol eskerkishti óz qarajattaryna qalypqa keltiretindigin jetkizgen.
