Tian-Shan taýynyń Qyrǵyzstan jaǵynda qalǵan alpinisterdi qutqarý úshin QR Qorǵanys ministrligi jibergen áskeri alpinister Qarqara biigine qondy. Bul týraly "Ult aqparat" ministrliktiń baspasóz qyzmetine silteme jasap habarlaidy.
«Qazaqstannyń áskeri alpinister toby tolyq qurammen 2200 metr biiktiktegi Qarqara shatqalyna, Jeńis shyńynyń bazalyq lagerine jetti. Taýda aýa-raiy qubylmaly. Sondyqtan, tikushaq bul núkteden biikke kóterile almady», delingen ministrlik taratqan aqparatta.
Baspasóz qyzmetiniń málimetine qaraǵanda, 14 tamyzdan beri Tian-Shannyń soltústik jáne ońtústik muzdyqtarda jaýyn-shashyn tolastamaǵan. Betkeilerde tereń qar jamylǵysy paida bolyp, kóshkin qaýpi týyndaǵan. Qutqarýshylar kún ashylǵan jaǵdaida alpinistredi teplovizordyń kómegimen izdeý úshin Qarqarada aialdaýda. Alpinister tabylǵan jaǵdaida, birinshi kezekte dári-dármekter tastalady. Dál qazir biikke órmeleýdiń paidasy joq. Kún ashylmaiynsha, taýdyń qýys-qýysynan alpinisterdi tabý múmkin emes», - deidi qutqarý operatsiiasynyń jetekshisi aǵa leitenant Vasilii Pivtsov.
Áskeri alpinister kún ashylǵan boida tikushaqpen izdeýge shyqpaq. Sońǵy ret joǵalǵan alpinister 6500 metr biiktikten bailanysqa shyqqan bolatyn.
