Senat kýlýarynda densaýlyq saqtaý ministri qyzmetine kirisken Aqmaral Álnazarova ózi basqaratyn vedomstvo aldymen qandai máselelerdi qolǵa alatynyn aitty. Bul týraly “Ult aqparat” KAZ.NUR.KZ aqparat agenttigine silteme jasap habarlaidy.
Aqmaral Álnazarova búgin densaýlyq saqtaý ministri retinde alǵash ret jýrnalisterdiń suraqtaryna jaýap berdi.
BAQ ókilderi ministrden jańa qyzmetinde eń aldymen qandai máselelerdi qolǵa alatynyn surady.
"Senator retinde biz ártúrli máselelerdi kóterdik, onyń ishinde transplantologiia máseleleri de bar. Jalpy, kóptegen másele bar, bul – jedel túrde sheshilýge tiis birinshi kezektegi máselelerdiń biri. Búginde tórt myńǵa jýyq naýqas aǵza kútip otyr. Ókinishke qarai, aǵza donorlyǵy qajetti aýqymǵa shyǵa almai tur", - dedi Álnazarova.
Onyń aitýynsha, josparda meditsinalyq-sanitariialyq kómekti nyǵaitý máselesi de bar.
"Alǵashqy meditsinalyq-sanitariialyq kómek neǵurlym myqty bolsa, aýrýshańdyq pen ólim-jitim soǵurlym az bolady. Halyqtyń densaýlyǵyn saqtaýǵa baǵyttalǵan barlyq profilaktikalyq is-sharalar alǵashqy meditsinalyq-sanitariialyq kómek deńgeiinde áske asyrylady. Biraq, ókinishke qarai, búginde bul salada sheshýdi qajet etetin birqatar másele bar", - dedi ministr.
Aita keteiik, 2024 jylǵy 6 aqpanda Aqmaral Álnazarova densaýlyq saqtaý ministri bolyp taǵaiyndaldy.
