سەنات كۋلۋارىندا دەنساۋلىق ساقتاۋ مينيسترٸ قىزمەتٸنە كٸرٸسكەن اقمارال ەلنازاروۆا ٶزٸ باسقاراتىن ۆەدومستۆو الدىمەن قانداي مەسەلەلەردٸ قولعا الاتىنىن ايتتى. بۇل تۋرالى “ۇلت اقپارات” KAZ.NUR.KZ اقپارات اگەنتتٸگٸنە سٸلتەمە جاساپ حابارلايدى.
اقمارال ەلنازاروۆا بٷگٸن دەنساۋلىق ساقتاۋ مينيسترٸ رەتٸندە العاش رەت جۋرناليستەردٸڭ سۇراقتارىنا جاۋاپ بەردٸ.
باق ٶكٸلدەرٸ مينيستردەن جاڭا قىزمەتٸندە ەڭ الدىمەن قانداي مەسەلەلەردٸ قولعا الاتىنىن سۇرادى.
"سەناتور رەتٸندە بٸز ەرتٷرلٸ مەسەلەلەردٸ كٶتەردٸك, ونىڭ ٸشٸندە ترانسپلانتولوگييا مەسەلەلەرٸ دە بار. جالپى, كٶپتەگەن مەسەلە بار, بۇل – جەدەل تٷردە شەشٸلۋگە تيٸس بٸرٸنشٸ كەزەكتەگٸ مەسەلەلەردٸڭ بٸرٸ. بٷگٸندە تٶرت مىڭعا جۋىق ناۋقاس اعزا كٷتٸپ وتىر. ٶكٸنٸشكە قاراي, اعزا دونورلىعى قاجەتتٸ اۋقىمعا شىعا الماي تۇر", - دەدٸ ەلنازاروۆا.
ونىڭ ايتۋىنشا, جوسپاردا مەديتسينالىق-سانيتارييالىق كٶمەكتٸ نىعايتۋ مەسەلەسٸ دە بار.
"العاشقى مەديتسينالىق-سانيتارييالىق كٶمەك نەعۇرلىم مىقتى بولسا, اۋرۋشاڭدىق پەن ٶلٸم-جٸتٸم سوعۇرلىم از بولادى. حالىقتىڭ دەنساۋلىعىن ساقتاۋعا باعىتتالعان بارلىق پروفيلاكتيكالىق ٸس-شارالار العاشقى مەديتسينالىق-سانيتارييالىق كٶمەك دەڭگەيٸندە ەسكە اسىرىلادى. بٸراق, ٶكٸنٸشكە قاراي, بٷگٸندە بۇل سالادا شەشۋدٸ قاجەت ەتەتٸن بٸرقاتار مەسەلە بار", - دەدٸ مينيستر.
ايتا كەتەيٸك, 2024 جىلعى 6 اقپاندا اقمارال ەلنازاروۆا دەنساۋلىق ساقتاۋ مينيسترٸ بولىپ تاعايىندالدى.
