Qyrǵyzstannyń sotsial-demokratiialyq partiiasynyń (QSDP) músheleri Kyiaz Smailov, Alga Kylychev jáne Amantýr Jamgyrchiev Bishkek qalalyq politsiia departamentiniń tergeý izoliatorynda osy jyldyń 8 qazanyna deiin otyrady.
Bishkek qalasynyń Pervomaisk aýdandyq soty olardy eki aiǵa qamaý týraly sheshim shyǵarǵan. Úsh azamat 7 tamyzda Koi-Tash aýylyna Qyrǵyzstannyń burynǵy prezidenti Almazbek Atambaevty ustaý úshin barǵan "Alfa" tobynyń alty sarbazyn kepildikke aldy degen kúdikke ilingen.
Dál osyndai aiyppen 8 qazanda QSDP tóraǵasynyń orynbasary Farid Niiazov ta eki aiǵa qamalǵan.
Alga Kylychev ózin QSDP múshesi ári "Sakchy" halyqtyq qozǵalysynyń jetekshisi retinde tanystyryp kelgen. Amantýr Jamgyrchievti 2010 jylǵy sáýir oqiǵasy kezinde zardap shekkenderden quralǵan "Aikol Ala-Too" birlestiginiń jetekshisi retinde ataidy. Al Kyiaz Smailov - Almazbek Atambaevty qorǵaý shtabynyń jetekshisi.
