Foto: QR Jazýshylar Odaǵy
Almaty qalasynda alǵash ret uiymdastyrylǵan «Almatynyń jas jazýshysy – 2025» qalalyq baiqaýy óz máresine jetip, jas qalamgerlerdiń esimi elge tanyldy. Baiqaý qazaq balalar ádebietiniń kórnekti ókili, daryndy jazýshy Saparǵali Begalinniń týǵanyna 130 jyl tolýyna orai ótkizildi, dep habarlaidy Ult.kz.
Ádebi baiqaýdy Qazaqstan Jazýshylar odaǵy, Almaty qalalyq kitaphanalar júiesi jáne «Órken» qoǵamdyq qory birlese qolǵa alǵan. Shyǵarmashylyq básekege 15-17 jas aralyǵyndaǵy 173 jas talapker qatysyp, Saparǵali Begalinniń shyǵarmalaryndaǵy keiipkerler men oqiǵalardy fentezi janrymen sabaqtastyra otyryp, tyń dúnie usyndy. Bul – ádebiet pen qiial álemin toǵystyrǵan shabytty alańǵa ainaldy.
Jeńimpazdardy marapattaý rásimi Qazaqstan Jazýshylar odaǵynyń ǵimaratynda saltanatty túrde ótti. Qazylar alqasy qatysýshylardyń eńbegine joǵary baǵa berip, týyndylarda kórkem til, oi tereńdigi men taqyryptyq ózektilik erekshe eskerilgenin atap ótti. Bul baiqaý jas qalamgerlerdiń kórkemdik talǵamyn shyńdap, ádebi órisin keńeite tústi.
Atalǵan joba aiasynda eń jas qatysýshylarǵa alǵash ret «Jas daryn» arnaiy syilyǵy berildi. Al júldeli oryn alǵan jas ádebiet súier qaýymǵa «Almatynyń jas jazýshysy» ataǵy tabystaldy. Baiqaý barysynda úzdik dep tanylǵan shyǵarmalar elektrondy jinaqqa enip, kópshilikke qoljetimdi bolmaq. Sonymen qatar, qatysýshylarǵa baǵaly syilyqtar men diplomdar tartý etilip, olardyń ádebi jolyna sáttilik tilegen igi lebizder aityldy.
«Almatynyń jas jazýshysy – 2025» baiqaýy – rýhaniiattyń tamyryn tereńge tartqan, ulttyq ádebiettiń keleshegin kórkem arnaǵa baǵyttaǵan taǵylymdy shara retinde este qaldy. Bul – jas daryndarǵa berilgen senim, ádebietke jol ashqan alǵashqy sátterdiń jarqyn kórinisi.
