فوتو: قر جازۋشىلار وداعى
الماتى قالاسىندا العاش رەت ۇيىمداستىرىلعان «الماتىنىڭ جاس جازۋشىسى – 2025» قالالىق بايقاۋى ٶز مەرەسٸنە جەتٸپ, جاس قالامگەرلەردٸڭ ەسٸمٸ ەلگە تانىلدى. بايقاۋ قازاق بالالار ەدەبيەتٸنٸڭ كٶرنەكتٸ ٶكٸلٸ, دارىندى جازۋشى ساپارعالي بەگاليننٸڭ تۋعانىنا 130 جىل تولۋىنا وراي ٶتكٸزٸلدٸ, دەپ حابارلايدى Ult.kz.
ەدەبي بايقاۋدى قازاقستان جازۋشىلار وداعى, الماتى قالالىق كٸتاپحانالار جٷيەسٸ جەنە «ٶركەن» قوعامدىق قورى بٸرلەسە قولعا العان. شىعارماشىلىق بەسەكەگە 15-17 جاس ارالىعىنداعى 173 جاس تالاپكەر قاتىسىپ, ساپارعالي بەگاليننٸڭ شىعارمالارىنداعى كەيٸپكەرلەر مەن وقيعالاردى فەنتەزي جانرىمەن ساباقتاستىرا وتىرىپ, تىڭ دٷنيە ۇسىندى. بۇل – ەدەبيەت پەن قييال ەلەمٸن توعىستىرعان شابىتتى الاڭعا اينالدى.
جەڭٸمپازداردى ماراپاتتاۋ رەسٸمٸ قازاقستان جازۋشىلار وداعىنىڭ عيماراتىندا سالتاناتتى تٷردە ٶتتٸ. قازىلار القاسى قاتىسۋشىلاردىڭ ەڭبەگٸنە جوعارى باعا بەرٸپ, تۋىندىلاردا كٶركەم تٸل, وي تەرەڭدٸگٸ مەن تاقىرىپتىق ٶزەكتٸلٸك ەرەكشە ەسكەرٸلگەنٸن اتاپ ٶتتٸ. بۇل بايقاۋ جاس قالامگەرلەردٸڭ كٶركەمدٸك تالعامىن شىڭداپ, ەدەبي ٶرٸسٸن كەڭەيتە تٷستٸ.
اتالعان جوبا اياسىندا ەڭ جاس قاتىسۋشىلارعا العاش رەت «جاس دارىن» ارنايى سىيلىعى بەرٸلدٸ. ال جٷلدەلٸ ورىن العان جاس ەدەبيەت سٷيەر قاۋىمعا «الماتىنىڭ جاس جازۋشىسى» اتاعى تابىستالدى. بايقاۋ بارىسىندا ٷزدٸك دەپ تانىلعان شىعارمالار ەلەكتروندى جيناققا ەنٸپ, كٶپشٸلٸككە قولجەتٸمدٸ بولماق. سونىمەن قاتار, قاتىسۋشىلارعا باعالى سىيلىقتار مەن ديپلومدار تارتۋ ەتٸلٸپ, ولاردىڭ ەدەبي جولىنا سەتتٸلٸك تٸلەگەن يگٸ لەبٸزدەر ايتىلدى.
«الماتىنىڭ جاس جازۋشىسى – 2025» بايقاۋى – رۋحانيياتتىڭ تامىرىن تەرەڭگە تارتقان, ۇلتتىق ەدەبيەتتٸڭ كەلەشەگٸن كٶركەم ارناعا باعىتتاعان تاعىلىمدى شارا رەتٸندە ەستە قالدى. بۇل – جاس دارىندارعا بەرٸلگەن سەنٸم, ەدەبيەتكە جول اشقان العاشقى سەتتەردٸڭ جارقىن كٶرٸنٸسٸ.
