Almaty ákimi Baqytjan Saǵyntaev qalanyń jańa yqshamaýdandarynda salynyp jatqan injenerlik infraqurylymdardyń qurylysymen tanysty, dep habarlaidy "Ult aqparat".
«Qalaǵa jańadan qosylǵan kentterdiń turǵyndary, birneshe jyldan beri kommýnaldyq-turmystyq jaǵdaidyń jaqsarýyn kútti. Qala turǵyndarynyń ótinishterin eskerip, ótken jyly shet aimaqtardy damytýǵa baǵyttalǵan «Jańa Almaty» keshendi josparyn ázirledik», - dep jazdy Baqytjan Saǵyntaev Instagram– daǵy paraqshasynda.
Keshendi jospardaǵy mindetterdiń qalai iske asyp jatqanyn qala ákimi Túrksib aýdanyna jasaǵan jumys sapary barysynda kórdi. «Qairat», «Álmerek» pen « Nurshashqan» yqshamaýdandarynda jyl sońyna deiin 150 shaqyrymnan astam sýmen qamtý jáne sýdy burý jelilerin salý josparlanǵan. Sapaly aýyz sýmen 12 myń turǵyn qamtamasyz etiledi. Jeliler tóselgennen keiin jol jamylǵysy da retke keltiriledi.
Budan bólek, «Álmerek», «Qairat», «Maiak», «Jas Qanat», tómengi Piatiletka, «Nurshashqan» siiaqty alty yqshamaýdandaǵy 614 kóshege syrtqy jaryq júieleri ornatylady.
«Aýdandaǵy 12 kóshedegi 9,3 shaqyrym bolatyn jol ortasha jóndeýden ótken. 2021 jyly «Nurshashqan» yqshamaýdanyndaǵy 25 kóshede 5,1 shaqyrymǵa jetetin jańa jol salý josparlanýda. Qala turǵyndarynyń ómir súrý ortasyn jaqsartý jumystary jalǵasýda», - dep atap ótti megapolis basshysy.
