Almatyda perzenthanadan shyqqan órtti sóndirýge atsalysqan dárigerler men meiirbike marapattaldy, dep habarlaidy "Ult aqparat".
QR Ishki ister ministri Erlan Turǵymbaevtyń buiryǵymen, balalardyń ómirin qutqarýdaǵy erligi, batyldyǵy men qaisarlyǵy úshin almatylyq akýsher-dáriger Perizat Sadyqova, meiirbike Arailym Jidelieva jáne akýsher-dáriger Vitalii Grýshevskii «Órt kezinde kórsetken qaisarlyǵy úshin» medalimen marapattaldy.
«Qazaqstan Respýblikasy Ishki ister ministriniń tapsyrmasy boiynsha adam ómirin saqtap qalǵandary úshin barlyq marapat ielerine alǵys aitamyn! Marapattalǵandardyń arasynda indet tarap jatqan kezde naýqastarǵa meditsinalyq kómek kórsetip qana qoimai, adamdardy qaýipten aman alyp qalǵan dárigerler de bar. Kez kelgen ýaqytta qol ushyn sozyp, kómekke kelýge daiyn azamattarymyzǵa aitar alǵysymyz sheksiz. Jaýapkershilik pen tabandylyq, batyldyq jáne jedel sheshim qabyldai bilý qabileti - bizdiń urpaǵymyzdyń boiynda bolýy kerek qasietter», - dep atap ótti Almaty qalalyq Tótenshe jaǵdailar departamentiniń bastyǵy Serik Áýbákirov.
Eske salaiyq, osy jyldyń 18 shildesinde Almaty qalasyndaǵy №1 perzenthananyń balalar reanimatsiiasy bóliminen órt shyqty. Onda jańa týǵan 8 sábi boldy. Dabyl qaǵylǵan kezde, sol túngi kezekshilik top tez arada tótenshe jaǵdailar kezindegi áreketter algoritmine sáikes senimdi jáne dúrbeleńsiz jumystar atqardy. Reanimatsiia bólimshesindegi 8 jańa týǵan sábidi akýsher-ginekolog Perizat Sadyqova jáne balalar meiirbikesi Arailym Jidelieva qaýipsiz jerge kóshirdi. Dárigerlerdiń biri Vitalii Grýshevskii elektr symdarynyń tuiyqtalýyna jol bermei, untaqty órt sóndirgishti tez arada qoldanyp úlgerdi.
