الماتىدا پەرزەنتحانادان شىققان ٶرتتٸ سٶندٸرۋگە اتسالىسقان دەرٸگەرلەر مەن مەيٸربيكە ماراپاتتالدى, دەپ حابارلايدى "ۇلت اقپارات".
قر ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعىمەن, بالالاردىڭ ٶمٸرٸن قۇتقارۋداعى ەرلٸگٸ, باتىلدىعى مەن قايسارلىعى ٷشٸن الماتىلىق اكۋشەر-دەرٸگەر پەريزات سادىقوۆا, مەيٸربيكە ارايلىم جيدەليەۆا جەنە اكۋشەر-دەرٸگەر ۆيتاليي گرۋشەۆسكيي «ٶرت كەزٸندە كٶرسەتكەن قايسارلىعى ٷشٸن» مەدالٸمەن ماراپاتتالدى.
«قازاقستان رەسپۋبليكاسى ٸشكٸ ٸستەر مينيسترٸنٸڭ تاپسىرماسى بويىنشا ادام ٶمٸرٸن ساقتاپ قالعاندارى ٷشٸن بارلىق ماراپات يەلەرٸنە العىس ايتامىن! ماراپاتتالعانداردىڭ اراسىندا ٸندەت تاراپ جاتقان كەزدە ناۋقاستارعا مەديتسينالىق كٶمەك كٶرسەتٸپ قانا قويماي, ادامداردى قاۋٸپتەن امان الىپ قالعان دەرٸگەرلەر دە بار. كەز كەلگەن ۋاقىتتا قول ۇشىن سوزىپ, كٶمەككە كەلۋگە دايىن ازاماتتارىمىزعا ايتار العىسىمىز شەكسٸز. جاۋاپكەرشٸلٸك پەن تاباندىلىق, باتىلدىق جەنە جەدەل شەشٸم قابىلداي بٸلۋ قابٸلەتٸ - بٸزدٸڭ ۇرپاعىمىزدىڭ بويىندا بولۋى كەرەك قاسيەتتەر», - دەپ اتاپ ٶتتٸ الماتى قالالىق تٶتەنشە جاعدايلار دەپارتامەنتٸنٸڭ باستىعى سەرٸك ەۋبەكٸروۆ.
ەسكە سالايىق, وسى جىلدىڭ 18 شٸلدەسٸندە الماتى قالاسىنداعى №1 پەرزەنتحانانىڭ بالالار رەانيماتسيياسى بٶلٸمٸنەن ٶرت شىقتى. وندا جاڭا تۋعان 8 سەبي بولدى. دابىل قاعىلعان كەزدە, سول تٷنگٸ كەزەكشٸلٸك توپ تەز ارادا تٶتەنشە جاعدايلار كەزٸندەگٸ ەرەكەتتەر الگوريتمٸنە سەيكەس سەنٸمدٸ جەنە دٷربەلەڭسٸز جۇمىستار اتقاردى. رەانيماتسييا بٶلٸمشەسٸندەگٸ 8 جاڭا تۋعان سەبيدٸ اكۋشەر-گينەكولوگ پەريزات سادىقوۆا جەنە بالالار مەيٸربيكەسٸ ارايلىم جيدەليەۆا قاۋٸپسٸز جەرگە كٶشٸردٸ. دەرٸگەرلەردٸڭ بٸرٸ ۆيتاليي گرۋشەۆسكيي ەلەكتر سىمدارىنىڭ تۇيىقتالۋىنا جول بەرمەي, ۇنتاقتى ٶرت سٶندٸرگٸشتٸ تەز ارادا قولدانىپ ٷلگەردٸ.
