Qazirgi ýaqytta Almatynyń infektsiialyq statsionarlarynda tósek-oryn tapshylyǵy joq. Bul týraly óńirlik kommýnikatsiialar qyzmetiniń onlain brifinginde Almaty qalasynyń qoǵamdyq densaýlyq saqtaý basqarmasynyń ókili, joǵary meditsinalyq kolledj direktory Svetlana Sultanǵazieva málim etti, dep habarlaidy QazAqparat.
Svetlana Sultanǵazievanyń aitýynsha, búginde tósek-oryndardyń 59 %-y bos emes, olarda 3872 patsient emdelýde, barlyǵy 6100 tósek-oryn bar. Almatynyń infektsiialyq statsionarlarynda tósek-oryn tapshylyǵy joq.
«Almatyda ambýlatoriialyq em qabyldap jatqan 6011 naýqas bar, onyń 1150-i simptomsyz. Jyldyń basynda qalada 500 naýqas ambýlatoriialyq em alǵan. Iaǵni, qazirgi ýaqytta epidemiologiialyq jaǵdai ýshyǵyp barady.
«Almatyda Anesteziologiia jáne reanimatsiia ortalyǵy quryldy, oǵan meditsinalyq ýniversitetterdiń professorlyq-oqytýshylyq quramy kiredi. Ǵylymi qyzmetkerlerden turatyn mobildi top barlyq infektsiialyq statsionarlarǵa barady, patsientterdi tekserýge kómektesedi, emdeýdi túzetedi jáne dárigerlerge qashyqtyqtan kómek kórsetedi»,-deidi qalalyq densaýlyq saqtaý basqarmasynyń ókili.
Spiker qazirgi ýaqytta turǵyndarǵa qalada vaktsinalardyń bar-joǵyna alańdaýshylyq týdyrýdyń qajettiligi joq ekenin aitty, barlyq egý pýnktterinde vaktsina jetkilikti.
«Almatyǵa koronavirýsqa qarsy vaktsinanyń birinshi komponentiniń 175 250 dozasy, ekinshi komponentiniń 59 650 dozasy jetkizildi. Egý pýnktiniń ornalasqan jerin qoǵamdyq densaýlyq saqtaý basqarmasynyń saitynan, sondai-aq 3000-505 jáne 1312 telefondary arqyly bilýge bolady. Sondai-aq, vaktsinatsiiadan keiin temperatýra kóterilgen jaǵdaida osy nómirlerge qońyraý shalý kerek»,- dedi ol.
Spikerdiń keltirgen málimetterine sáikes, ótken senbi (10 sáýir) Almatyda 11 myń adam, jeksenbi kúni (11 sáýir) 6140 turǵyny vaktsina saldyrǵan. Vaktsinatsiia bastalǵaly barlyǵy 75 660 adam ekpe aldy. Onyń ishinde eki komponentin 14 800 adam saldyrǵan.
