قازٸرگٸ ۋاقىتتا الماتىنىڭ ينفەكتسييالىق ستاتسيونارلارىندا تٶسەك-ورىن تاپشىلىعى جوق. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ ونلاين بريفينگٸندە الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ ٶكٸلٸ, جوعارى مەديتسينالىق كوللەدج ديرەكتورى سۆەتلانا سۇلتانعازيەۆا مەلٸم ەتتٸ, دەپ حابارلايدى قازاقپارات.
سۆەتلانا سۇلتانعازيەۆانىڭ ايتۋىنشا, بٷگٸندە تٶسەك-ورىنداردىڭ 59 %-ى بوس ەمەس, ولاردا 3872 پاتسيەنت ەمدەلۋدە, بارلىعى 6100 تٶسەك-ورىن بار. الماتىنىڭ ينفەكتسييالىق ستاتسيونارلارىندا تٶسەك-ورىن تاپشىلىعى جوق.
«الماتىدا امبۋلاتورييالىق ەم قابىلداپ جاتقان 6011 ناۋقاس بار, ونىڭ 1150-ٸ سيمپتومسىز. جىلدىڭ باسىندا قالادا 500 ناۋقاس امبۋلاتورييالىق ەم العان. ياعني, قازٸرگٸ ۋاقىتتا ەپيدەميولوگييالىق جاعداي ۋشىعىپ بارادى.
«الماتىدا انەستەزيولوگييا جەنە رەانيماتسييا ورتالىعى قۇرىلدى, وعان مەديتسينالىق ۋنيۆەرسيتەتتەردٸڭ پروفەسسورلىق-وقىتۋشىلىق قۇرامى كٸرەدٸ. عىلىمي قىزمەتكەرلەردەن تۇراتىن موبيلدٸ توپ بارلىق ينفەكتسييالىق ستاتسيونارلارعا بارادى, پاتسيەنتتەردٸ تەكسەرۋگە كٶمەكتەسەدٸ, ەمدەۋدٸ تٷزەتەدٸ جەنە دەرٸگەرلەرگە قاشىقتىقتان كٶمەك كٶرسەتەدٸ»,-دەيدٸ قالالىق دەنساۋلىق ساقتاۋ باسقارماسىنىڭ ٶكٸلٸ.
سپيكەر قازٸرگٸ ۋاقىتتا تۇرعىندارعا قالادا ۆاكتسينالاردىڭ بار-جوعىنا الاڭداۋشىلىق تۋدىرۋدىڭ قاجەتتٸلٸگٸ جوق ەكەنٸن ايتتى, بارلىق ەگۋ پۋنكتتەرٸندە ۆاكتسينا جەتكٸلٸكتٸ.
«الماتىعا كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸنٸڭ 175 250 دوزاسى, ەكٸنشٸ كومپونەنتٸنٸڭ 59 650 دوزاسى جەتكٸزٸلدٸ. ەگۋ پۋنكتٸنٸڭ ورنالاسقان جەرٸن قوعامدىق دەنساۋلىق ساقتاۋ باسقارماسىنىڭ سايتىنان, سونداي-اق 3000-505 جەنە 1312 تەلەفوندارى ارقىلى بٸلۋگە بولادى. سونداي-اق, ۆاكتسيناتسييادان كەيٸن تەمپەراتۋرا كٶتەرٸلگەن جاعدايدا وسى نٶمٸرلەرگە قوڭىراۋ شالۋ كەرەك»,- دەدٸ ول.
سپيكەردٸڭ كەلتٸرگەن مەلٸمەتتەرٸنە سەيكەس, ٶتكەن سەنبٸ (10 سەۋٸر) الماتىدا 11 مىڭ ادام, جەكسەنبٸ كٷنٸ (11 سەۋٸر) 6140 تۇرعىنى ۆاكتسينا سالدىرعان. ۆاكتسيناتسييا باستالعالى بارلىعى 75 660 ادام ەكپە الدى. ونىڭ ٸشٸندە ەكٸ كومپونەنتٸن 14 800 ادام سالدىرعان.
