Almaty qalalyq josparlaý jáne ýrbanistika basqarmasynyń basshysy Almashan Ahmedjanov shahardyń bas josparynyń jobasy qashan aiaqtalatynyn aitty, dep habarlaidy "Ult aqparat".
«Almatyda bas jospardy ázirleý jáne dizain-kodty engizý, biryńǵai erejelerdi qurý boiynsha jumystar jalǵasyp jatyr. Bas jospardyń jobasy boiynsha jumysty aiaqtaý 2020 jyldyń sońyna belgilengen bolatyn. Ony bekitý 2021 jyldyń I toqsanyna josparlanǵan»,– dedi basqarma basshysy.
Sonymen qatar, ol buǵan deiin «Almaty qalasynyń erekshe mártebesi týraly» QR Zańyna qabyldanǵan ózgerister men tolyqtyrýlarǵa sáikes, Almaty ákimdiginiń sáýlet jáne qala qurylysy salasyndaǵy qyzmeti úilestirýge múmkindik beretin quzyrettiligi keńeigenin atap ótti.
«Bas jospardy túzetýdiń negizgi maqsaty qalanyń turaqty damýyn qamtamasyz etý, qaýipsiz, qolaily, jaily qalalyq orta qurý. Bul Almatyny «shetsiz qala» etedi», - dedi ol.
«Almaty qalasynyń erekshe mártebesi týraly» Zańǵa, sonymen birge, dizain-kodty engizý boiynsha norma engizildi, ol óz kezeginde Almaty qalasy aýmaǵyndaǵy ǵimarattardyń qasbetteriniń, jarnama konstrýktsiialarynyń arhitektýralyq sheshimderine, jazǵy alańdarǵa, shaǵyn sáýlet nysandaryna qoiylatyn talaptardy, sondai-aq olardy ornalastyrýdy júielendirip, retke keltiredi.
«Almatyda dizain-kodty engizý – Qazaqstan úshin pilottyq joba. Kóp eńbekti talap etetin bul jumys muqiiat zertteýdi, shyǵarmashylyq kózqarasty jáne naqty belgilengen erejelerdi talap etedi. Birqatar tarmaqtar boiynsha qoǵamdyq tyńdaýlar ótkizildi. Alaida, pandemiia túzetýler engizdi: qoǵamdyq tyńdaýlar biraz ýaqytqa toqtatyldy», - dedi Almashan Ahmedjanov.
Sonymen qatar, ol biylǵy jyly qalanyń kóptegen jazǵy alańdary jalpy talaptardy eskere otyryp resimdelgenin jetkizdi. Jóndeýge nemese rekonstrýktsiialaýǵa daiyndyq kezinde keibir iri tamaqtaný oryndary ǵimarat pen oǵan irgeles aýmaqty jobalaý boiynsha usynystar alý úshin basqarmaǵa júginýde.
«Biryńǵai erejelerdi qurý boiynsha jumys jalǵasýda. Dizain-kod jobasy qala turǵyndaryna talqylaý úshin usynylatyn bolady. Qujatty engizý boiynsha qoǵamdyq tyńdaýdy qaita bastaý merzimi qala men eldegi epidemiialyq jaǵdaiǵa bailanysty bolady», - dep atap ótti A.Ahmedjanov. Almatynyń ortalyǵy men shet aimaqtarynda qolaily ortany damytý jónindegi Bas jospardyń jobasy 2021 jyly bekitiledi.
