Almaty qalasynyń bas memlekettik sanitar dárigeri Jandarbek Bekshin úshinshi jáne tórtinshi synyp oqýshylary qashan mektep qabyrǵasynda oqi alatyndyǵyn aitty, dep habarlaidy "Ult aqparat".
«Bizdiń mindetimiz - jeńildikterdi kezeń-kezeńimen engizý. Endi birinshi jáne ekinshi synyptar mektepterde oqi alady. Qyrkúiek aiynyń ortasynda qaladaǵy epidemiologiialyq jaǵdaidy baqylaimyz, soǵan qarai qosymsha jeńildikter engizemiz. Sol kezde 3-4 synyp oqýshylaryna qatysty máselelerdi de qarastyramyz», - dedi Jandarbek Bekshin.
Sonymen qatar ol ata-analardyń balalarynyń mektepte bilim alǵanyn qalaitynyn atap ótti.
«Mende balalardyń mektep partasynda otyryp oqyǵanyn quptaimyn. Alaida, koronavirýs infektsiiasynyń qaýpin eskerýimiz qajet. Sondyqtan ata-analardy bul sheshimge túsinistikpen qaraýǵa shaqyramyn», - dep qorytyndylady Jandarbek Bekshin.
